大出血! 大出血!! 大出血!!!
尋日同王老爺過大海shopping
最後兩個人貧血而回~
到達HK之後, 首先去旺角
其實冇諗住咁快開始血拼
點知一出地鐵站
就進貢左一大筆比BODY SHOP
進貢左幾多?
多到做左member= ="
其間有個阿姨好厚面皮咁想搭我地單買野
(因為新加入會員個次買ge野係八折)
我扮聽唔明佢講乜野
結果佢好火羅咁走左
(傻ge, 同你三唔識七, 做乜要益你!)
買完BODY SHOP, 好肚餓......
食漢和韓式燒烤自助餐
每位68加一, 麻麻地啫~~~
食飽飽, 我地再次充滿力量
決戰旺角!!
經過幾番爭扎
王老爺終於扑鎚買左佢恨左超耐ge靴
雖然好貴, 但千金難買心頭好
著上腳就會覺得值得架啦^_^
因為對鞋都真係幾貴
所以回贈左320蚊coupon
結果我用左二百幾蚊加戈320蚊coupon
買左對ROYAL(好抵啊!!)兼且又做埋member
最後又加69蚊換多個大袋
王老爺到左呢個時候
已經開始貧血(ha...)
行下行下, 王老爺又再掃多一對mizuno用黎跑步著
買完mizuno, 王老爺話佢大動脈撕裂
真係笑死我XD
人有三急, 去朗豪坊搵廁所
順便去MUJI買野食(受人所託, 忠人之事)
買左杯Starbucks, 好飲
然後行去賽馬會買六合彩(中左請大家食飯^_^)
到呢度, 旺角之行就要結束啦
因為實在係太多野(三對鞋, 一袋好重ge BODYSHOP)
所以先返上環租locker擺低晒佢地
係戈度食埋吉野家, 再轉戰銅鑼灣
到達時代廣場, 咦? Marathon開倉??
唔好執輸, 幾大都去八下先~
離結束只有一個鐘頭, 照道理應該冇咩好買
但估唔到咁都比我執到個Sunbrella布袋仔
又咁都比王老爺執到對Lotto(半價, 好抵)
到左最後一站, Agnes b.
揀左好耐, 諗左好耐, 計左好耐
最後買左個黑色大袋
雖然好肉赤, 但真係好想有一個好D ge大袋
黎到呢個地步, 我同王老爺都已經大動脈斷裂
真係唔可以再行落去喇
最後, 兩個人挽住5,6袋野, 滿載而歸dn_nb
回程船上, 我地倦極入睡
王老爺兩隻手一直包住我ge左手
朗豪坊ge星座占卜擺明搵笨
因為我尋日ge戀愛運絕對係大吉!!
文章定位：
人氣(58) | 回應(2)| 推薦 (
0)| 收藏 (
0)|
轉寄
全站分類:
不分類
