問阿媽＠Onna‧歡歡｜PChome Online 個人新聞台

2007-11-06 14:47:57| 人氣23| 回應2 | 上一篇 | 下一篇

問阿媽

推薦 0 收藏 0 轉貼0 訂閱站台

尋晚我問阿媽:
你覺得佢靚仔嗎?
”靚~! 靚仔~!” (開心^^)
佢靚仔D定棟哥靚仔D?
”各有各靚, 棟哥塊面長D, 佢塊面就肥D(肥D, 哈哈....), 白淨D”

大妹問我: 家姐, 佢阿媽有冇話過你靚定唔靚呀?
”冇呀(講大話...) 唔通問人地我靚唔靚呀咁咩~(唔使問喇, 因為已經知道左)”

我問阿媽: 第時我地嫁晒, 得返你同老豆係屋企咪好悶囉?
”先唔會, 都唔知幾自在” (口是心非...)
”就算唔捨得都冇辦法啦, 咁你地結婚就有自已ge家庭生活架啦”
原來阿媽係咁開通, 應該話其實佢一早有心理準備
三個都係女, 結晒婚就得返佢同老豆兩個
不過佢真係已經諗得好開......
”你地第時有咩節目, 出去食飯叫埋我就得架啦”

一定會.....一定會叫埋你..........

之但係, 阿媽, 你竟然覺得結左婚有地方比我踎就算
點可以咁冇志氣架!! I said, 我要有屬於我和我老公ge家
並唔包括任何一方ge父母

”佢爸爸媽媽好難相處咩?”
唔係, 只係唔中意唔明人地講乜ge感覺
而且你係我阿媽都尚且令你咁激心, 更何況係人地阿媽?
更好脾氣都會有拗撬, 始終相見好同住難

我咁任性, 要我下半世唯唯諾諾, 小心翼翼咁樣過
啊...不如殺死我算啦, 我知道自己係一個唔中意同老爺奶奶住ge人
仲有, 講明先(以防萬一), 唔好迫我結婚!!
結婚同生育應該係兩個人ge決定
而唔係由任何長輩話事(大妹出奇地同我諗法一致)

總之而家我完全冇呢個打算

多謝合作!

我要檢舉

台長：歡歡