反目，我都唔想架，好唔開心呀。＠Fun’s Paradise

2005-05-15 01:45:24| 人氣40| 回應0 | 上一篇 | 下一篇

反目，我都唔想架，好唔開心呀。

推薦 0 收藏 0 轉貼0 訂閱站台

14/5 星期六

今日本來尚算平靜的一日，
但大事不妙，非常黑呀，
我放工去左媽媽做野個到，
叫佢幫我買生果，佢就叫我自己買，
我話唔識choose邊d好唔好喎，
咁佢就話自己鍾意食咩就買咩，
我咪自己行去買囉。

買左返黎，佢續個拿起手又鬧又"踏"，
講到一文不值，拿起一個就講一次，
你估我想架，我話明唔識買加嘛，
而家買左返黎又要俾你鬧，
我自己買得唔好已經唔係好開心架喇，
又話就黎爛，又呢樣個樣，
我已經問佢講夠未架喇，
佢仲要繼續係到講。

可能我呢排又"燥"左d既，
一開口鬧佢就好勁，鬧到差唔多成個街市都聽到，
係佢唔啱在先嘛，我已經叫過佢唔好再講，
但佢唔聽，咁我咪嬲囉，
之後我返左上樓，佢隔左一陣先上黎，
一入門口就鬧我，叫我以後都唔好再去佢做野個到喎，
話我影衰佢喎，佢話d街坊都睇唔過眼，
話我好鬧阿媽，個d咁既街坊又唔了解件事係點，
襯我走左先係我背後講是非，又唔知到件事係點喎，
我阿媽實信哂佢地架，佢地話我落阿媽面呀。

我都認我今次真係過份左，
但佢都唔使好似當我死咁架，
個火頭唔係我點著架，你估我又好好過咩，
我講完個心都過意唔去，好擔心架，
一返黎就話叫我以後乜都唔好問佢野，
唔好同佢講野，唔好叫佢買野，
使唔使咁小氣呀，抺地都唔入我間房抺呀，
食飯又唔叫我食，淨係買野返黎俾我細佬，
最憎佢淨係諗到自己個邊，又唔諗下我點喎，
平時d細佬鬧佢又唔見佢出聲。

我知我今次唔啱，係我衝動，但我都唔想架，
可能呢排壓力又大啦，好多野忍住就好燥，
我一時爆左出黎之嘛，佢都唔諗下我有幾難受，
9:00pm個陣打左個電話俾個friend傾，
我自己都好唔開心架，傾傾下又喊左出黎，
我真係認唔住喇，真係好唔開心呀，
我唔想搞成咁架，我成晚坐係間房到冇人理我，好慘呀。

我要檢舉

台長： cherry fun

人氣(40) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)

Fun’s Paradise 很想擁有這平淡、美好和寧靜，也是我渴望得到的生活。 To Have But Not To Hold ~~ 27愛的鼓勵 0訂閱站台

反目，我都唔想架，好唔開心呀。

Fun’s Paradise 很想擁有這平淡、美好和寧靜，也是我渴望得到的生活。 To Have But Not To Hold ~~
27愛的鼓勵 0訂閱站台