我家大小豬 從前忙忙碌碌，家庭瑣事煩事一堆，現在清清閒閒，變身呀豬媽，無所事事~

42愛的鼓勵 5訂閱站台

11月16日 DAY 1  出發啦~   
澳門-HK-飛鹿兒島 
住最佳西方鹿兒島倫勃朗度假酒店


雖然港珠澳大橋已開通，但還是搭機場船穩陣(況且還有120回水)，11:50飛機...8:45船已是極限，不過就要7:45前到碼頭CHECK IN，電召租車冇咗7:15時段唯有提前15分鐘，個司機哥哥又早到在催催催，結果...未到7:10已在碼頭等....


晨早...只能是它了


次次都咁啱...兩個人出行就HKAIRLINE，四或五人行就HK   EXPRESS，但我肯定...真係啱啱遇著剛剛~


又是這雙布鞋及波鞋...出發~


這個飛機餐最合胃口是山水豆腐，當天因為肚餓，盒雞飯都被徹底“消滅”~




航班準點，鏡頭一轉....話咁快就飛到鹿兒島，也一如預期的準點拿車，只可惜...不是預期的好天氣，唯有安慰自己，反正第一天只是室內“作戰”，冇問題~


AEON好好買...好快就消耗了兩個多小時，但就.蝕咗1682日元！點解賣東西賣到夜晚10:00，但個退稅櫃台就晚上8:00關門？如果咁...8:00後買野既人就冇得退稅？激氣~
算...豪俾佢~

關於吃：

這晚本應在天文館附近魚醬食魚生壽司...然而9:30到場已被拒諸門外，外面又下著不算小的雨，幾番輾轉...未夠10:00吃閉門羹吃到飽...這個城市莫說與關西比，即使與北大門的福崗也不能相提並論，最後隨便衝入間火煱店雞同鴨講兩人放題賣單五千三百多日元，只能說....好過捱肚子~

No Problem，希望在明天！

關於住:


雙人房有個大露台遠觀櫻島火山連稅570，乾淨企理，到市中心不過20分鐘車程兼有停車場，這個價錢對自駕一族而言，真心滿意~