24h購物| | PChome| 登入
2008-11-04 01:53:34| 人氣104| 回應0 | 上一篇 | 下一篇

突如其來

推薦 0 收藏 0 轉貼0 訂閱站台


　　中午好開心咁食完飯之後，突然收到電話，阿姨同我講可以番得工，但係一個星期只可以番6個鐘，經濟不景氣令到機械系由五個工讀生名額縮到得番兩個，但係阿姨好勁，為左多個人做嘢，用兩個人ge人工請三個人，變相減薪，不過唔緊要，正中我下懷，有微薄ge收入之餘又重可以有番d半日ge day off。

　　之後突然間，白佳話唔舒服叫我同佢霸埋位，上上下堂，佢突然間sms黎話都係頂唔順要休息，希望感冒可以一日清；原來上堂哥陣重見到學妹，唸住放學同佢以及另一個學弟講吓APA格式ge事，點知... 學妹晌落堂哥陣又突然間唔見左....

　　放學之後衝去番工，郭小姐放假，施小姐唔見左，系辦最熟同最後生哥兩個女性都消失左，令我一籌莫展；有兩個新黎ge助教，冇講過嘢，如果佢地同林以凡一樣，大家應該會比較溝通到。於是我一如既往上網同msn，其間突然唔記得左番ielts ge 時間，於是好努力咁查番，同時間查埋公車路線，晌我盤算緊有幾多食飯同搭車時間之際，心裡暗喜今日唔駛寄信，點知，突然有個類似新教授ge物體問左一句「寄信是放這邊嗎?」當然我都係使出無敵ge有禮貌聲線+笑容回答一聲是，然後心入面好緊張，如果要寄信咁咪飯都冇得我食?!於是走入去問壯霖可唔可以寄信，好彩係佢同我拍住上，一切都好美好，佢俾我局我寄信，因為101贏左志鴻館~haha。

　　晌我睇左半個鐘聖女貞德之後，又係放工時間，個腦那埋一舊，乜都唸唔到，於是我用十分鐘衝番宿舍，入到門口突然發現我個紅白藍碎銀包唔見左(!?)晌緊張一番之後好彩發現只係虛驚一場，佢只係滾左去另一邊...番到去極速食飯落去搭公車，架650等左我十分鐘有多，加埋塞車結果我比原定上課時間遲左兩分鐘。好趕咁買左書之後就上堂，英國腔左兩個幾三個鐘，做exercises哥陣填錯晒，真係冇得頂，中間小break哥陣傾吓計，大部分都係在職人士，準備去讀phd ge 醫生、有準備去做嘢ge姐姐、有讀法文ge姐姐、有幾個學生妹(當然我係其中一個)、有個類似係檢查人員ge大叔，而最經典ge係有個因為個仔讀佢要陪住個仔成長又走埋黎讀ge娘親，不過佢個仔唔係同我同班。

　　跟住梗係拿拿林搭番巴士番屋企，面對住五個missed calls但係我電話剩餘係$00.00 ge時間，你都咪話唔無奈。結果都係要去買卡，順便買雞翼食~waka~

　　突然間我ge休息生活消失左........好耐冇試過一日入面有咁多樣tasks.........

我要檢舉
台長： 小求

您可能對以下文章有興趣

人氣(104) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札) | 個人分類: 軼事 |
此分類下一篇:所以就出發了
此分類上一篇:避

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文