英文
其實我而家應該去做我既日記功課，但我吾知點寫，寫下寫下又停，寫下寫下又覺得如果感寫實”肥”，寫吾出啦．．．
我討厭作英文既文章，一開始就討厭，由中學到而家一直都係．
而家既老師話作英文要用佢地既西方思想黎作．所有野都要解釋，”點解啊？點解啊？”開心又吾可以寫開心，要寫表達到個種感覺既詞語．佢一時又話要我地縮短句子黎表達所有意思，一時又話應該用多ｄ字黎形容感覺．
有時我覺得英文文章係好睇個人標準，咩叫好文章？係未只要一篇文章公開到社會，係報紙，係書本，就係一定好同專業？有時我覺得好冇心機睇既文章，佢話個作者為左表達佢都好悶所以就寫得好悶．我話好睇，佢話吾好．
每個人都吾同，但似乎佢想我每一篇文章都係為佢這個觀眾黎寫．．．．
英語對我黎講已吾再係普通野，我要開始用佢地既想法黎寫．睇黎我以前過份輕視佢．以前我只知道寫，我從冇話要觀察佢地想”ｍｕｄ”．
但我係中國人，點解我要模仿佢地，我要當自己係鬼妹嗎？我而家學法文係未要當自己係法國人啊？遲ｄ學西班牙文係未要當自己係西班牙人？對吾住，我吾知佢地既性格同寫作手法．
我知我寫野係亂，吹咩，吹咩，吹咩．＞＿＿＜
[ 以上係angela 寫ge野，依家我回你喇～]
傻瓜安琪拉
我諗你個professor可能表達錯左d野，佢唔應該叫你用西方思想寫野，因為咁樣ge話，你就唔再係你自己。冇左自己風格ge文章，會被歸類為跟風，甚至被當作垃圾。
我諗，你prof. ge意思，應該係叫你用西方ge 文法寫野，唔係叫你當自己係鬼妹去寫，而係要你明白自己寫緊ge係英文，應該用英文ge 語法，唔好成日寫d中變英ge英文，好似d咩‘open door see mountain’呀、long time no see呀哥d，既然寫英文，就應該用英文ge方法，腦入面諗ge句子亦應該好自然地用英文grammar去表達，唔好成日出現“chinglish”，你明ga啦～
講真，你地成日覺得我寫野叻，覺得我以前d中英文科咁高分、d grammar咁勁、寫野又有獎，一定係天生，其實呢d只係假象。冇野係天生ge，三分天才，七分努力，你有冇聽過？
同你相反，我喜歡文字，從一開始就喜歡。
但中英文好係因為我好細個已經成日對住d賓賓工人，換左好多個，個個都係講英文，而且daddy mammy成日做野，我只有成日自己睇故事書同溫習，中文英文都睇，因為我鐘意發夢，daddy錫我，會抽時間同我傾計，但佢以前成日打到我口腫面腫、屁股開花，其實我好怕佢。
你知嘛，好多野都係可以培養ga，尤其係興趣。我勁唔鐘意lee科，咪又係過左黎？為咩je？想幫輕下屋企之嘛，你估我唔知daddy有3個小朋友要養好辛苦咩？你估我真係會以為牙醫好好賺咩？依家d病人成日無理取鬧，補牙之後有感冒都可以去告醫生你又知唔知？你估我唔驚gar？
我只係想講，每件事都有代價，我選擇左黎呢邊，我就預左佢會變心、預左辛苦、預左成日以淚洗臉、預左要學菲律賓話，你選擇左去加拿大，就好應該明白，你一樣要付出代價，至少，你一定要成日講英文，的確，你ge professor俾你ge assignment，我會覺得係小兒科，因為我成日都寫低自己ge感覺，因為我英文同literature係最高分ge科，但日記需要ge唔係專業，而係感覺，你要做ge就係寫低你想寫ge野，而唔係一味寫個prof.想見ge野又或者哥d文學到可以出書ge野。
你係留學生，好多野可以寫，你可以寫你掛住ge人、事、物，可以寫d澳門有哥邊冇ge野，可以寫下自己o係哥邊冇左親人朋友ge心情，lee d都唔需要係為佢而寫，但我相信會得到佢ge認同，有時候，有d野，可以兩邊都顧及。
你要加油呀知嘛，假如可以，我都想飛過黎幫你做晒佢，但你有你人生入面要學ge野，所以，忍耐一下啦！我地個個都會支持你ga！
ps：張相勁似安琪拉！！
文章定位：
