亨鴻大海 亨鴻大海是一個讓李亨鴻留下感情、思想和生活痕跡的地方，這是一個關於夢想的故事。我希望用這個故事來改變世界，三十年、五十年後，即使我發覺自己真的改變不了世界，但我也不會被世界改變。

18愛的鼓勵 3訂閱站台

同一些久久沒見的公務員前輩飲茶，說說閒話聚聚舊，說到某一個位，她說：「其實平時見到聽到一尐人講批評政府嘅說話同文章，我同尐同事同阿頭係拍爛手掌，最近見到嘅有尐政綱，我哋好認同添，但係我哋唔可以企出蒞出聲架，唔通我哋走出蒞同XXXX社一齊遊行同遞信？我個女幾歲，個仔啱啱出世，又供緊層樓，畀人點咗相我有排辛苦同難升啦，尐同事阿頭又可能會驚咗我。今屆立法會個結果，我哋唔少同事都係好失望、哎哂救命，我哋有時話你哋做咁多嘢係無用架，其實我哋意思係我哋唔可以在外面做咁多嘢，唔係真心覺得無用。咁唯有，我哋做好自己本份，甚至在公職上再做好尐，但你又要知道，有時唔係我哋唔想，係上面唔想同唔畀，我哋幾努力都無用。」

「講白尐，我哋係既得利益者蒞架，我認架，試問又有幾多既得利益者可以放棄自己利益走出蒞大聲疾呼？如果講好聽尐，咪就係我哋做人父母嘅係身不由己。唔單止我啦，大把公務員供緊樓啦，佢哋又要吃喝玩樂呢，對比起我依尐知慳識儉，佢哋仲抵鬧啦。」

「有時我哋不爽，最多響facebook打下status、 post下相、post下歌加幾句歌詞含沙射影，抒發下囉，咪可以點？」

最後，他們：「你瘦咗，依排你辛苦架啦，依餐我哋蒞啦。」

圖片：http://bbs1.people.com.cn/postDetail.do?boardId=1&treeView=1&view=2&id=105733048