亨鴻大海 亨鴻大海是一個讓李亨鴻留下感情、思想和生活痕跡的地方，這是一個關於夢想的故事。我希望用這個故事來改變世界，三十年、五十年後，即使我發覺自己真的改變不了世界，但我也不會被世界改變。

18愛的鼓勵 3訂閱站台

每次見到桌上剩下很多食物，沒人拿走，沒人打包，知道它們最後通通會被倒進垃圾桶，心裏就覺得不好受。

「每場婚宴除咗有好多剩女，仲有好多剩食。」

 網上文章：

又到九月，每年九月都有好多人結婚。

每次收到新人嘅電話，請我哋嘅義工去收剩食，去收過咁多場婚宴，我心裡總是羨慕渴望又妒忌。

個個都娶到個皮光肉滑，咁惜食嘅老婆，我肯定佢由細到大一粒米都冇嘥過。

作為豐剩嘅義工，聽到咁多新人願意將剩食捐出，將喜悅同資源分享俾其他人，真係好開心。但係，當一個月豐剩收到數以百計嘅婚宴邀請，義工有限嘅我哋，真係冇可能每場婚宴都做到剩食回收。

因為，第一，我哋資源有限，義工係自付車費，無償地去收。第二，每場婚宴剩食之多，加上食物儲存嘅困難，令回收婚宴難上加難。例如魚，放久會腥；而街上嘅露宿者一般在婚宴結束後已入睡，放到第二朝已不能進食；而一般食物銀行又拒絕收熟食，只會收好似罐頭呢類嘅包裝食品，願意收嘅食物銀行又地方有限（尤其是雪櫃），容納唔到咁多剩食。

面對如此多的困難，應該如何是好？

豐剩建議各位有心嘅新人，一齊打包吧！你哋可以請酒樓或者酒店代為包裝剩食，並將食物放在reception，等賓客走嘅時候拎走，實行自行消費，根據我哋嘅經驗，所有剩食一般都可以被消化。作為賓客，你亦無須擔心「又食又拎唔好睇」呢啲思歪嘅謬論，面子重要還是為環保出力重要呢？

如果每位新人都咁做，你哋就已經成為咗豐剩嘅義工，拯救咗本來要被送去堆填嘅食物。請轉發俾即將結婚嘅親朋戚友，願世上再冇剩食同剩女，所有嘢都搵到佢地應到嘅去處！另祝各新人新婚快樂！

圖片及文章：https://www.facebook.com/photo.php?fbid=520839894675742&set=a.299385240154543.67195.298828330210234&type=1&theater