很多片段仍在腦海裡，想記低一dd事
聽返夏令會的早堂，我知道自己的問題，我就是果d手扶著犁往後看的人，是看別人，骨子裡覺得自己跑得好好，我太自大了。要表達出來就好似比喻為......成日望緊人地d跑線，心裡覺得別人應該咁做、唔應該咁做，唉 ~~~ 咁樣跑我點會跑得好、跑得對呢 ? 求主使我「當向標竿力前！不要再望後面，因為前頭就是獎賞．．」
還有，好緊要的是我要再次調整，一個方向、一個目標 ~ 「我心所追求乃是神自己」
上星期六的青聚是讀經分享，想起惠如導師的說話，我開始漸漸明白自己有時讀聖經分享聖經都好主觀，唔得客觀，即係有時未讀的時候已經鎖定了自己的睇法，當一讀到相關經文既時候就會覺得好順理成章就係咁解、一定係咁原因，其實客觀睇一睇又唔係咁樣的。又有時將自己的現實處境代入去黎分享，表達自己，錯晒。要學習放下自己的見解，下意識以為的事，讓主藉聖靈提醒、教導，多多操練。而家黎緊差不多每個青ｏｒ成聚都有分享聚會，有排操，要好好預備。
星期六早上同阿爸飲完茶後又去左city，買杯野飲，有一個鐘都幾好，可以安靜一下睇書。
主日信息講效法保羅，學習作榜樣的人，令我想起那個作榜樣的人，他的生命裡面有謙卑柔和，找不到一點驕傲，從他的說話及行為就知道，雖然他一向少說話，但從他生命裡顯然有主的成份 - 謙卑柔和
2008-08-24果日下午都好開心，因為約了弟兄們到向華潔婷家去參觀+四時至六時球類活動(保齡球、乒乓球、桌球)，保齡球自己都係第二次打，好開心呀 ~~~~。
乒乓球就估唔到玉蘭姊妹打得咁叻，她有秘訣的，也是很合理的，原來因為榮基以前細個教佢打乒乓球架，佢地個個兄弟姊妹都有番咁上下 (相信詠茵同招弟兄都好叻)。
原本，這個不自量力的我都好想同榮基切磋，睇黎我都係唔好妄想可以夠打喇 ! 不過，如果有機會，我都會全力以赴的。哈哈 ~~~~ 而真桌球我就好差，yahoo snooker岩我多d。原本預計想運動下出身汗，不過最後連衫都唔洗換，可能係未夠喉啦，時間真係過得好快，玩幾玩又差不多一個鐘、又一個鐘。拿拿拿 ~~~ 終於到全日戲玉啦，就是豐富的「晚餐」，叫外賣pizza酸棘湯餃子麵鍋貼等．我覺得係差不多最好的一次，好飽之餘，仲因為唔洗去酒樓食，呢個都算破例啦。多謝晒 ! 打搞晒 ~ 上次就去福沛、家傑果度，今次完成，唔知下次幾時會係去燦明果度呢 ? 定係國泰先呢 ? 哈哈 ~ 想下都好開心 ~ 一齊可以聚埋一處 ^o^
向華屋企覺得都幾骨子，在市區的地方私人的屋苑，比著我，唔好話買啦，供都供唔起呀 ~~~ ! 想得多都想壞個腦 ~ 為著現有的半間房子而感恩 ！
－－－－－－－－－－－－－－－－－－
行十架窄路很不容易～破碎剝奪挖空倒空
－－－－－－－－－－－－－－－－－－
揀選
揀選神的旨意
堅定不移地揀選神的旨意
是主
主堅定不移地揀選神的旨意
(主禱告，神從天上加祂力量) = 屬天的秘訣
文章定位：
人氣(188) | 回應(0)| 推薦 (
0)| 收藏 (
0)|
轉寄
全站分類:
不分類
