今日原本是短週唔洗返工，
不過真係有野未做好，
所以早ｄ返就早ｄ走，
卒之可以十一點左右離開公司，
中午與志雄、國泰、慶論一起在愛群食飯，
之後去祈禱會，
榮基導師提出既禱告事項，
為著主在今年裡的青聚，
各樣的造就、培植、與我們同在而感恩，
亦為明年仰賴主．
呢個禱告事項對大家可以話好容易、
或者又可以好困難，
因為在順境的人就比較容易，
但在難處的時候要感恩就唔係咁易，
所以我好佩服一些肢體，
我相信他們是主的工作。
青聚是吳培柄先生的信息，
講腓利門書1:1-7，
中心是「同工」＝＊大家都是服侍主的！
同工有可能是未見過面，
或不是作同一的工！
＊而事奉主是向著主的，
這並不在於知道、或頭腦上、或自我催眠，
更是在實際裡．
有時主會將我們攤凍、心靈磨練和經歷，
為要將來更用我們．
就好似摩西咁，在曠野果４０年．
在這一年快將完結，
需要檢討一下有甚麼做得不好的地方，
從中吸取教訓（可成為自己和別人的幫助），
更重要的是不要忘記就算失敗、
學得不好的地方，
都在神整體計劃是有意義．
信．望．愛．
信心是根源，
愛心是要有充足的信心看後盾，
所以信心特別與作工有關，
而作主的工，
就是主工作，
不是我們‧
主要我們的信心到某一個地步來配合主的工，
主又期望我們的信心有增長，
好與主同負一軛．
＊最令我有好深既思想同影響就係提起「底馬」，
在聖經（歌羅西書）及（腓利門書）記載他開始好好，
不單是保羅的同工，
更是與保羅的患難有份，
一同為主的名坐監的，
但在（提後）保羅話：
佢因貪愛現今的世界，
就離棄我！
往帖撒羅尼迦，
「離棄我」！「離棄我」！「離棄我」！
我好深想到主親自說底馬「離棄我」！
主為他傷心難過 :::> <:::
我相信底馬在最初冇想過自己晚年會去到咁既地步！
唉～底馬貪愛現今的世界，
離開自己的崗位，
偏行己路，
開頭咁有主的恩典，
徒受主的恩典，
最後聖經留下一個污名－－「底馬」，
貪愛現今的世界，
人人都記得！
但沒有人記得佢曾經都係一個與主同工的人、
一個服侍主、
為主的名甘心擺上一切的？
唉～我相信前者會深刻ｄ記得．
一講底馬，
下一句一定是：
貪愛現今的世界！
底馬，
都成為我一個警告，
就算之前靠主有幾多恩典、
並屢次創下的連勝記錄（用到d既說話講 : 食perfect），
就係為左呢ｄ陳腐既事，
就晚節不保．
越思想，
我就越難過，
真係好扎心！！！
你地可能唔明白，
我要再講明白ｄ點解我咁感觸啦，
因為我掛念與我一同受浸的肢體，
原本我們可以一同被主成全．．．
順達講，
是在乎弟兄自己願唔願意，
我只好為他祈禱．
睇左順達個感恩的email，
亦看到主內弟兄的話，
感到好嚴肅，
並有些思想，
我感到主指示左條路係點，
我唔知點表達，
盼望主用得著，
為主的旨意祈禱、
並為弟兄切切代禱！
肢體消息：
－榮基的母親在今天被主接去
－家傑的外婆亦在今天安息主懷
－海保弟兄留院三天，因血壓高、頭暈，現再要留院觀察多三天
－巫弟兄的情況不錯，林生話最近探佢是最精神的
－國儀的父親患癌症並與順達的母親在廣州果邊睇同一個醫生
雖然未知主的旨意如何，請各位切切為佢地代禱，願主的旨意成就！
文章定位：
