星期六番青聚前，我去左大帽山，所以幾趕．
＊～＊～＊～＊～＊～＊～＊～＊～＊～＊～＊～＊～＊～＊～＊～＊～＊
致：各同事
公司訂於2006年10月21日(星期六)舉行"戶外團隊訓練"，好讓大家透過這項訓練了解『團隊精神』及『分工合作』之重要性：
時間： 上午9時正 至 下午1:00時正
訓練地點：大帽山郊野公園上扶輪公園內扶輪亭
集合時間：9：30 am 準時 (老板 take attendance 及人數 ) 第一個 Check point.
指定購買物品：腸仔、雞全亦、豬扒等加埋一切燒烤用品
詳情安排 :
1) 全公司同事將分為五組; 每組分別為三位經理帶領。經理分組名單已由夏生以抽籤形式分配組成
2) 當日戶外訓練被視為正常考勤。
註: 在當天訓練中, 若組員意見出現分歧, 所有決定一切以該組組長為最後依歸。
已安排自費大巴由荃灣至大帽山, 詳情如下:
日期 : 10月21日
時間 : 8:30am
地點 : 荃灣綠揚新邨皇崗大巴站
費用 : 約 $10元 (單程) *逾時不候
海匯行政部
2006年10月4日
＊～＊～＊～＊～＊～＊～＊～＊～＊～＊～＊～＊～＊～＊～＊～＊～＊
其實做左d咩呢 ? 算係燒左半日野食，又算係玩左五個集體遊戲，遊戲類似跑來跑去搵野、廚神大賽等，搞到我一點幾先走人，亦有其他同事繼續燒，咁贈品就係每組都有精美工衣 T-shirt 一件穿，同埋好多好多野食．．．食成個星期都食唔晒！不過我諗有同事有車會取走，唔會浪費的。
今次青聚係馬可福音集體讀經分享，我係尾二的一個才分享，其實真係要學習睇時間，超過晒時間，同埋係唔係主比我既負擔、領受一定要分享呢，當唔肯定既時候，是應該閉嘴，哎呀！總之我想到自己有好多唔妥的地方，在此實在一言難盡，其實當天的狀態很不佳，可能長時間比２種煙燻親，一種係炭，另一種係二手煙，所以一早決定青聚完左就走了，唔想第日主日唔返得，咁卒之返左屋企訓左兩粒鍾，第二天就好好多了。感謝主！
今日聚會完左同弟兄姊妹一行八人去龍寶飲茶，兩點開始，食埋甜品最後成四點半先埋單。偉文弟兄，你在那裡呀～～～？你在做甚麼呀～～～？兩週沒見你喇！請快回來呀～～～！仲有呀，請問你１０月３０日活動日報唔報名呀？如果得閒就報啦～
呼～～～呢排有d思想～
1) 我是需要放下一些自己的享樂，主光照左我，所以呢個決心好大！不過需要靠主維持的力來維持．
2) 既然有些事已成定局的時候，就唔好再妄想咁多，主既心意係咁，我必須真心順服主！
如果我心裡有自己的意思，求主來摧毀一切；如果另外還有些意思是越過主的心意，求主叫那些意思不能成就；如果另外還有些是出於主的旨意，求主叫你的旨意成就！！！因為一切出於主，都是美好的。（呢個係近期好有 hard 的感動，可用於凡事上的祈禱）
若有一天，主忽然問我或你：「現在你返聚會、咁追求、咁跟隨，究竟為左ｄ咩野呢？」我希望我同你都可以講得出主要我同你答既答案。
文章定位：
