今次我要把主在人身上所作的工、以及神的恩典一一述說出來！
最近我學習緊倚靠主．．．
話說我有一位同事叫Kelly，她算是我的見證人（由未信主到信主），因為她是我連續２間公司的同事，系上一間公司的時候，佢有份同我一齊去沈淪過，直至在這間公司她知道我已經信左主，被主改變左，但我仍然有機會和她在不同層面談論信仰的事（信與不信），今日佢要resign喇，真係估上次係我走先，而家就到佢走先過我，唉！系最後呢幾日，好有感動要迫切為佢禱告！求主造就佢，又求主比我有合適既機會，可以邀請佢來青聚，系之前佢都話有機會一定會跟我來聚會，因為佢話佢來，只有一個目的，就係睇下有咩野可以令到一個人有咁大既改變（用一句”到”ｄ既說話黎講，佢要睇下呢個福音有咩”扶ｆｉｔ”！）．但若果佢resign左就沒有咁好的機會可以再一同與她來青聚，正當我在默默禱告、苦等待機會之際，奇妙的事發生喇，有朝早我行經佢個位附近收printing，佢竟然主動問我：「Leo，你星期六聚會係幾點架？」依～依～～～！嘩！太奇妙喇，我當時無話可說，我感謝主，因為是主先在她裡面作工，以致佢主動問我聚會時間，而今日星期六佢要在４：３０ｐｍ銅鑼灣考試，我相信勉強來一下都得既，當時大家就初步ＯＫ左．雖然最後佢決定都係唔黎，而且因為考試既關係太緊張，但不過佢都話日後星期日可以來，但我深知道作工的是主，不是我，就算今次佢唔得，我知道主向佢施過工，佢才有一個主動尋求的心！人能夠聽福音、信主一切都掌握在主的手裡！主對每一個世人的愛是絕對不需要懷疑的，於是主感動我將一本從前別人送給我的聖經送比佢，雖然以我所知道呢本小聖經係第三手，但不過最少呢本聖經陪伴過兩位神的兒女與主共渡一段美好的時光、認識主耶穌，好希望呢本聖經給她有得救的智慧，因信主而得著生命。。。我仰賴主、亦期盼，求主繼續堅立你手所作的工！
唔單止咁呀，今個星期仲有另一個相近的經歷，有一日，我在Pantry add水的時候，負責office內務的萍姐問我：「Leo，你之前講過自己係好”懷”的時候，係怎樣開始真正改變架？靠咩動力可以？幾多歲左右開始咁架？．．．．．．」諗番果個moment，其實我心裡面好稀奇，我只不過系２年前受浸的時候，曾經比我得救見證佢睇過一次（註：我唔係要表達我的見證好精彩，而是顯出福音神的大能在其中），事隔２年，估唔到佢而家都仲有印象，感謝主！我知道必定是主在她的心裡作的工，以致她心裡產生一些自己搵唔到答案的問題，並且配合她最近所發生的經歷，她就不得不搵我問過明白了？好短時間，大家講左唔夠幾句，於是當天回家後為她禱告，主感動我在第二天將福音堂的聚會時間、地圖紙送給她，當佢收到既時候，佢講多謝晒呀，但我細心留意到佢有一個好滿足的表情，雖然佢昨日沒有問我聚會的資料，我知道有時在佢既角度睇，會有些難以啟齒（好似福音書記載果位患血漏病的女人咁，佢有咁既病都係難以啟齒，主就按著她的信心，醫治她及她的心靈），雖然我又唔肯定係佢、還是佢為別人而引發來問我呢ｄ問題，但我深知道是主在人心裡的工作，我願意配合，並邀請她和她的親朋好友有時間的話，可以在星期日來聽福音，之後講多兩句就知道原來佢認識一個反叛的少年人，佢真係希望福音可以幫到佢，又或者係萍姐。。。
無論如何，我會繼續為她們禱告，系呢段時間我學習緊倚靠主，就呢兩次機會讓我可以經歷主在人身上的工作，使我更多認識主的作為，更全然倚靠主，不靠自己，但我知道我仍需要努力學習！
因為我在成聚交通左以上經歷出黎，而且又將我在夏令會與偉東交通左我自己在邀請人來聚會、怕失敗的軟弱說出來．海明弟兄散會後指教左我幾句，他說：「有時不要單作被動，仍需要多主動．」他又說：「好似一個急救員咁，就算佢有沒有穿著制服，見有人在危難裡，唔通會見死不救咩？你會唔會唔救？我相信唔會．」他更說：「有時唔可以講”失敗”！」我再仔細回家思想佢既話既時候，係呀！成敗得失無關重要，我唔應該著眼呢ｄ野，因為真正能救人脫離偶像、罪惡的，是主耶穌！好感謝主！我要繼續靠主、永遠靠主，求主幫助我。。。
另外，有弟兄交通有位福音朋友在上次主日無題分組的情況下，他分享一節聖經「你要把你的重擔卸給耶和華、他必撫養你．他永不叫義人動搖。」(詩55:22) 他深深經歷主，將一切憂慮卸給神，他面對家庭的壓力，家人常常吵架，使他很難受，當場哭了出來，我地冇辦法明白，但他在這節聖經上得了不少安慰，佢咁樣經歷主，呢個人在夏令會有好深好深的經歷，跟住就有兩位弟兄同時問：「係唔係佢呀？」冇錯，佢就係鄒鴻發，感謝主！感謝主！感謝主！是呢位弟兄主動話要參加夏令會，感謝主！讓他有恩典可以經歷主，感謝主！在夏令會咁多堂訊息，領受主的話，並且導師話佢在夏令會，無論在分組禱告、晚禱的時候都十分認真，例如有三點禱告事項咁丫，佢真係一點、跟住一點、再一點咁禱告出來，導師話佢能夠這樣經歷主，神在他身上有工作了．感謝主！我好相信主必定有帶領，求主保守他的心懷思念、施恩給他和他的家、賜福給他們，使他靠主夠用的恩典，面對任何人事物，無論甚麼時候，主必與他同在，主成為他惟一的力量、惟一的盼望。
以上的記錄可能好難明白，我表達能力好差。
最後用一節好有感動的聖經，就是：
「神能照著運行在我們心裡的大力、充充足足的成就一切超過我們所求所想的．」（腓３：２０）
感謝主呀～～～～～～～～～～～～～～～～
文章定位：
