主日早上的祈禱會及訊息聚會都是有關「神的應許」，我的感受就係：神所應許給我們的一切一切一切一切都是最好最好最好最好的，必不會是次好；而且現今還有些餘下尚未應驗的應許，到那日，主必親自一一成就，「祂不誤事因祂是神」我們的神不能不義，不能將祂應許忘記；祂的應許在基督裏，都是阿們，都是是的。要伸出信心的手來，接受／支取神的應許。林生講話有時我地在面對試探既時侯「扯白旗」，就好像不戰而敗，神明明應許會為我們開一條出路，叫我們可以忍受得住。當信心都冇埋既時候，連條出路都會完全睇唔見，要學習用信心倚靠神。口講比起實踐真係容易得多，求主助我！
下午，來到了觀塘，整全訓練神學院新院址感恩聚會，共證神恩，沿路有弟兄姊妹接待我們，依～依～～有位弟兄咁熟口面既，好似系邊度見過咁，後知原來果d係神學生黎既，聚會裡分別唱四首感恩讚美詩歌「我主耶穌惟你是配、一路我蒙救主引領、我心所追求乃是神自己、我耶穌我愛你」由吳主光先生講道及林生講感恩見證，佢地都向我們清晰一點，就是今日唔係要我地黎睇下裝修得好唔好，而係一同來見證，神就係耶和華以勒，祂必有預備，吳先生講主耶穌在地上曾說：「狐狸有洞、天空的飛鳥有窩、人子卻沒有枕頭的地方。」主在地上實在沒有安枕的地方，有時都係去別的地方居住、或曠野居住，不過有一度地方主耶穌好鍾意去住的，係邊度呢？就係伯大尼，果度有愛主的人，就係有馬利亞、馬大、拉撒路，原來主耶穌好歡喜住在愛佢的人家裡面，所以就算間屋幾咁豪華、或幾咁簡陋，都係一個外表來的，最重要就係佢係愛主的，不是在口舌上的愛，原來我地越愛主，主就越愛住在我們裡面。而在神學阮的建造上，神實在有預備，無論在所選擇的地方、金錢等，中間經歷不少神奇妙的作為，今天新院址才能正式啟用。
聚會後，可留步茶聚及歡迎參觀院舍，咁我地就戰戰兢兢地參觀一下，地方唔算好大，有四個單位，辦公室、上課室、男子宿舍、女子宿舍等，每個單位等於一個正常學校的課室差唔多大，所以睇見宿舍兩格床都擺得滿滿，如果遲d再多d神學生，我相信要三格床了，樓底都高，應該冇問題，而途中d神學生都好友善講解給我們聽，我感受到佢地好唔同，佢地蒙主乎召作傳道，又睇見佢地身上有著主的性情，最令我深刻，就係有一位神學女生，有肢體問佢要讀幾多年？佢回應要讀四年，之後兩年可以回來學習、補充一下。然後，肢體就話四年的日子真係唔短，根住我真係冇諗過呢位神學女生會咁樣回應，佢話呢四年其實都係基礎而矣，之後仍要繼續追求！我好感恩，求主繼續保守、帶領，一切仰望主。呀！我終於諗起啦！之前我話有個神學男生好熟口既，我覺得佢好似我中學的同校同學（唔同班、又唔同級的），不過我認得佢個樣，以前肥d，而家瘦左d，都有八乘似樣，雖然以前我地系學校半句話都冇講過，不過我好有感動，想在沒有太多人的地方與佢相認，我都諗定左如果確認左身份後，我會同佢講：感謝主，我地雖然．．．但竟然同蒙主恩，你更蒙主乎召，我好希望同佢交通、分享見證，不過主沒有安排，五點幾，我地就走了。我相信主必定住在每一個愛主的人心裡面的。
文章定位：
