在家禱會裡，禱告之前有點時間交通，有幾位弟兄姊妹都分享「保守自己不沾染世俗」的經歷、見證，先係家傑、之後淑珍、玉華、淑芳、還有向華（淑芳話佢係第二代的基督徒，佢自己say yes），好似淑珍講佢從前系呢d節日留留的時候，已經開始堅持，不收紅封包，一直靠主堅持，直到如今依然是；好似淑芳講好需要有果個持定，我地在地上既身份係作主的見證，呢個認定好緊要；好似向華講述一點從小到大的學習，現在有用啦，在公司為主作見證，更向別人解釋原因，而且佢話有時若果逃避都唔係辦法，佢話：「林生都成日講：唔係要改變環境去就人，係要你裡面要有屬天的改變」，環境只會越來越差，佢話就好似聖誕節都係咁，公司同事會問：「下！你唔洗去報佳音咩？」佢反問：「其實你試下去睇下你真係聽到ｄ咩？」對方話：「咩都聽唔到」，佢就話啦：「咁咪係囉，我地唔會做呢ｄ無意思既野！」今次係我聽呢位弟兄分享得最多的一次，我覺得弟兄有長進，感謝主！講真我身在其中聽，學習、領受也不少，而且年近農曆新年，有很多世俗迷信意頭的事情，我們都不應該沾染，（其實我唔想講話面對呢ｄ場面係需要靠經驗、經歷，但事實我真係冇呢方面既經驗、經歷）若靠我自己，我真係冇辦法，無論在公司、面對親戚，都好需要倚靠主，為主作見證保守自己，主若用得著，也是一個好機會將主介紹給人認識。另一方面，我公司亦有其他的基督徒，雖然大家立場雖然唔同，但我知道大家都係同侍一位主，雖然咁樣作有時都會對其他基督徒有所影響，但係我唔可以理得咁多，「唯我深知，所信的是誰…」唔可以太在乎人的感受，而莫視主的吩咐，在人黎睇都係有d難度，但在神凡事都能，「靠主罷！」
另外桂生又話，咁岩初一係主日、初二、初三… 又可以約埋其他弟兄…知道初二暫定有行山…又或者可以約弟兄一齊出黎查考聖經，一方面唔係話避過呢d事，而係大家一起同心既去面對、交通、彼此勉勵、互相扶持，我都同意！我記得我上年初三行山缺席因為抄錯時間，唔好提啦，兩個字形容「好笑」，今年希望真係可以參與就好啦！
不單在以上的事，甚至在各方面的事情，我有時候覺得自己…「想or講就天下無敵，做就軟弱無力」所我極之需要謙卑，不自誇。「求主天天扶持的，給我力量保守我，使我一生走窄路，使主心滿意足！」我能作，不是因為我能，乃是主的恩典。「現在活著的，不再是我，乃是基督，在我裡面活著」主呀！讓我重新謙卑學習。
文章定位：
