今天是教會活動日，心情特別好，８時１５分在中文大學火車站美心集合，全日的途程是：乘船先到塔門，１１時吃午飯，１２時再乘船到東坪洲，５時左右回到出發點。終於開始出發了，在船上，桂生導師帶領我們唱詩歌，一路我蒙救主引領，好有意思呀，雖然我們唔知道前路有幾多不順及風浪，但是我深知道凡事臨我，祂有美意不必測，我們靠著主憑信心往前行罷！而海明弟兄就帶領我們唱－祂是一切最親，我記得系福沛同國儀結婚的感恩聚會的其中一首詩歌感恩讚美的詩歌，在我們缺乏之時、無倚之時，無論何時，主都成為我們的豫備、是我們的扶持，是信實的主。途中，偉文、達仔、天維跟我一起到船的下一層傾傾計，吹吹風，我都覺得幾好，真係傾左不少事情。４５分鐘左右，終於到達塔門，原本以為當地有塔有門，但係都冇既，記憶裡到過草地、山坡、山涯邊，而下面是大石灘、浪濤大大，環境好舒服，坐在草地上，望住出面，感覺好舒服，真是一個退修的好地方！時間都過得好快，１１點就去食午餐，聽講不嬲當地都係分三輪食既，我地食頭圍，食物不錯，不過最緊要都係冇咩幾何同埋一眾弟兄姊妹食飯，呢ｄ都係主的恩典，嘩！好飽呀～又上船囉，前去第二站東坪洲，我們一如以往去下層，小人d可以個別有交通＆吹風，好快到達東坪洲啦，原來係一個幾大、圍住都係石灘同埋沙灘既島，聽講好似有d咩咩岩石睇，行左幾個字終於到啦，見到d石頭好怪，好似一層層，成本書頁咁、仲有水中昆蟲、岩石小魚、神實在創造奇妙，在神眼中看，一切都是好的。大家影左都好多相片，而且我又拾到一個小貝殼留念，決定放左魚缸中，讓小魚們有一個家，我知道自己好無聊~hehe。快樂的時光特別過得快，真係唔想咁快走，上船後，我地又係坐番老地方－下層的船頭，個幾鐘船程，我地又有好多時間交通交通，回岸解散後我地約好左幾個弟兄，仲去埋大學tea下，食飽晒之後我真係意想不到，有人竟提議感恩&代禱，大家先講出自己的需要，就開始，主實在監察人心，知道我們各人都有不同的軟弱，我們正需要向主禱告，其實我果個moment都心感主實在知道我需要而有所安排，好感謝主，今次最大收獲就係弟兄交通中有很多「良言」好摸著我的心。「人心憂慮、屈而不伸．一句良言、使心歡樂。」可況而家有咁多？主都光照自己，我往往著重個人對事物的看法，有異象就說：「這是神要我做的。」但我的步伐，還未與神一致。我有時好極端，唔知係唔係咁形容，系真理方面就應該，但系其他事，自己個己就走左出來，舉例去冬令camp咁，我未開始報名已經心裡有數，覺得自己未夠火喉，唔參加，因為有好多人參加，我知道自己內心深處的確有些虛假的謙卑，不過，是需要按主的感動而參加，但即使主會唔會將祂的心意在黎緊的日子顯明都好，我知道我之前咁既心思都唔正確。仲有其實我唔應該分在基督徒家庭出生的人、及中途插入的人，因為大家都是神的兒女，神不偏待人，冇人在呢個時期係特別蒙恩既。對於乎召的愚見、分享的預備&禱告的態度，都令我覺得自己好多好多好多不足之處。真係要好好謙卑在主面前禱告、等候，之前有段時間唔知點解我好怕自己的將來，其實都冇咩好擔心呢，交託給主，望主，唔望自己，又是「良言」。再唱：我深知道凡事臨我，祂有美意不必測！！！！！
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
第二天，查經聚會，
詩歌２７１「泥土器皿世人都鄙視，軟弱貧窮又卑賤；裝著寶貝神聖火焰，將主榮耀來彰顯．．．」
詩歌３２４「別人苦戰要得榮耀，血汗滿被沙場；我豈可以安坐花轎，盼望抬進天堂？．．．」
主用詩歌和祂的話激勵我「開始就有美好的起點」，實在無話可說，主咁樣待我，今天我又再蒙恩了！！！！！
文章定位：
人氣(15) | 回應(0)| 推薦 (
0)| 收藏 (
0)|
轉寄
全站分類:
不分類
