31/8 最後的孖day
從他說那句話開始
我 心情沒有放鬆過
我到底能怎樣面對沒有了你的日子
淚 從起床後沒有停過
直到見到他 我不敢哭
你再告訴我是一塲誤會嗎...
然後 我們照舊吃飯聊天打機唱k吧
就好像平時一樣
但我總覺得 這是我們的最後兩天
所以我決定用我最大的勇氣 抱著你
這幾秒 彷彿已經把千言萬語都說出來
最重要是 真的不想離開你...
1/9 約定
忘了約你多少次
終於 我們約定在炎夏游泳的日子到了
望著窗外的陽光 既沉重又興奮
由出發 吃東西 到達泳池
你說不想去例行的竹灣
去了陌生的黑沙泳池
好像我們是一對沒有過去的情侶
只有我們的時候 是最快樂的時候
因為我的感情 不需要別人的意見
直到走的時候 你開始說起一些...
應該是哥哥問候妹妹的事吧
我一早就很清楚 你眼中我們的關係
又一次 想多了> <||
晚上 又去唱k 不是自願的...
整晚 好像有點不知所謂
他不理我 她不理他
阿哥想要細佬走
大嫂勸交 無謂人一大堆
混亂之間彌漫著一陣陣不安...
2/9 重生
呆呆滯滯的上班
開始去學 去習慣沒有他的日子
突然出現了一個我幻想了很多次的畫面
’小姐 請問haagen dazs點去呀?’
呆咗~之後忍唔住笑 係發自內心咁笑
之後再諗返起 都有一種由衷嘅喜悅
收工之後 打俾佢 返舖頭應酬完老爸之後
就去機舖揾佢哋 之後去媽閣飲嘢
同以前一樣 呢刻 我心情先放鬆返啲
then 去佢home’吹水’
差啲以為有啲嘢發生tim
究竟你諗緊乜ga~?
還是到咗咁嘅情況 都仲係我諗多咗
當係啦 咁就乜都唔使諗> <
3/9 令人不安的對話
原先諗住又好似尋日咁
出去hea吓 點知返舖頭食完嘢
佢哋就約咗出去傾啲嘢
fine~我都有去
成晚圍繞住嘅話題係 敏媽的話
好恐怖 我哋聽完之後都一致認為佢有妄想症
佢講嘅有20%以下係真嘢 加埋佢自己嘅幻想
就成為咗一本流傳後世嘅名著 天荒夜談
佢好明顯係為咗某啲目的而離間我哋
而另一方面 喺討論嘅同時
佢冇理過我囉 因為喺佢面前?
算啦 唔想再諗 早啲返去抖吓好過
4/9 奇蹟短訊
又一次因為呢種被無視嘅感覺而唔開心
連我自己都開始覺得有啲煩
收工嘅時候 我望住部電話
我又懦弱咁原諒咗佢
從前 六年淨係send過兩個信息俾我
第一個係一個字 第二個係兩個字
我唔知佢係咪淨係對我先係咁
不過 佢話過send信息好蹝時間
加上佢唔識打字...==||
於是 我就應邀去咗唱k
開頭又係得我哋兩個
之後仲有佢愛人同阿sam
ok啦 都係好似平時咁玩
走嗰陣 又俾佢捉咗我去吹水
講咗啲令我諗足兩日兩夜嘅嘢...
5/9 ...失憶
唔記得咗收工之後點
好眼瞓...淨係記得joy咗佢同阿靜
去咗文文度(tapas)
好攰~之後就走啦
佢又叫我去遊陣 我真係力不從心囉
so go home lu
呢幾日佢都有send 信息俾我 好開心~^^~
~zzz
諗咗幾日先記得返
我又係諗住收工揾佢
點知佢去咗幫佢愛人搬嘢
係由佢屋企搬走啲嘢
第一個反應係妒忌
之後 又開始諗佢嗰陣嘅心痛
我又有啲茅盾
咁嘅心情 難怪我會唔記得
因為我都好想忘記呢種感覺...
6/9 失控
呢晚我照常去揾佢 出咗媽閣坐 我哋兩個
傾吓閒計咁 之後就去咗佢屋企
睇電視 飲黑牌 聽歌 吹水...
同埋 玩大咗
相信大家都有意識會做乜 做緊乜同做過乜
總之一啲唔記都記得嘅事無謂蹝時間講
同時 我亦同屋企人嘈得好大 預咗~
之後食埋早餐go home瞓陣 返工...
7/9 lasting for so long
收工 其實今晚我係有啲意圖不軌嘅
佢想出去 我話唔好啫
所以佢就我 上咗佢度 飲咗陣嘢
我哋又俾惡勢力迫遷==||
不過有邊個阿媽同啲仔女做錯事吖
視乎佢覺得乜嘢為之錯啫
so 我哋又去咗呢排嘅老地方 媽閣坐
又係傾吓閒計 同埋做返啲sharing咁啦
唔知點講 都幾尷尬ga
不過知道咗一啲我想知 但係一直都問唔出口嘅嘢
同埋一啲關於佢嘅經歷同諗法
去到今日 我suppose我哋唔再只係朋友...
then 我要去toilet so轉地方
去咗西灣半山有廁所喺隔離嗰個公園坐
...我真係唔想放手
不過夜啦 要返屋企啦
都搞到差唔多五點先走~
8/9 改變
收工 好似係揾咗佢先
好似都係食嘢打機咁上下啩
之後又係去咗皇朝坐
我都唔係好記得
仲有阿靜同阿sam
都係吹水 同埋話聽日去夢幻水城喎
佢突然間走入去幫文文手
做咗小二 我哋都呆晒
佢唔係轉死性就係病咗
然後佢哋走先 佢唔想走住 慣例 陪佢囉
去咗對面馬路坐 我feel到 佢一定有啲嘢
令到佢好煩 佢話想講又唔知點講
之前識過有呢種感覺 不過冇咁耐
我估 一個人 係面對一啲對自己好重要嘅抉擇先會係咁
而我應該知佢煩咩 因為我都試過 呢種唔好受嘅感覺
希望佢唔係開始後悔做過某啲嘢...
見到佢咁唔開心 我都 不由自主咁 同佢一齊煩
9/9 ’08上水禮
之前有下水禮 梗係要整返個上水禮啦
因為今次應該係今年最後一次去游水lu
都就嚟轉季啦
所以千里迢迢咁去咗夢幻水城玩
actually 我覺得唔多好玩囉
不過係enjoy一班fd出嚟嗰個氣氛啫
都係不外乎玩吓沖浪 sir吓滑梯呀 咁囉
同佢好似冇乜交雜 仲有 佢都好似有啲...
悶悶不樂咁 可能係太攰 或者我feel錯
玩咗兩個鐘倒就走 我唯一諗到嘅嘢係 蝕水~
then 去咗關口食sushi ok ga
跟住兵分兩路 阿鵬同阿sam去買嘢
我哋三個好且粉地去揼咗一個鐘骨
跟手就喺佢唔情願嘅情況下被迫去咗我舖頭坐
又坐到三四點~唉...
仲要俾佢無啦啦自己一個人走
雖然佢有覆返俾我 但係始終有啲耿耿於懷
10/9 睏倦~zzz
收工去揾咗佢先 去食嘢...
諗住唔去打機 因為太眼瞓
都係要joy埋肥波 打咗一陣
佢都知我攰 叫埋肥波去飲嘢
媽閣again 都ok啦 不過又係因為我要去厠所嘅問題
又去返嗰晚嗰個公園
hea到咁上下 唔記得lu...好似又係要返舖頭
but 佢唔想見到老媽子 so 行咗一陣先過嚟
媽咪見唔到佢 好似好放心咁喎’食屎啦你!!>”<’
之後都冇乜嘢 係走嗰陣佢問佢點走
我之前話過我車ga ma 純粹係對fd承諾嘅問題
但係走嗰陣 我feel到佢係有心好似爭車人咁囉
當我以小人之心度君子之腹
不過我好坦白 我的確係有啲呷醋
但係你喜歡啦 我講過我從來都無心要同你爭
只要你唔放手 我都唔想插手喎
that’s all
咁我好似有啲發脾氣走咁嘅feel
so send返個message say sor
好彩 見到佢覆嘅嘢 即刻開心返...啲^^
其實本來我想講嘅只有十日
估唔到日過日咁就有咁多
唔算太又幾重要嘅嘢發生
不過係今日先得閒少少
仲要係犧牲緊我嘅瞓覺時間ga> <
文章定位：
