24h購物| | PChome| 登入
2002-12-27 00:16:24| 人氣32| 回應0 | 上一篇 | 下一篇

又到聖誕?

推薦 0 收藏 0 轉貼0 訂閱站台

我冇宗教信仰。聖誕, 對我0既意義, 只係有一日早左個半鐘頭收工, 然後放兩日假. 呢兩日, 訓覺又好, 周圍v v wet wet 又好, 好容易就過左.

當然, 好多人0既諗法同我唔一樣 (雖然我0既諗法已經同好多香港人一樣)。睇到報紙, 話外國好多地方反聖誕老人, 某d 商場仲講到明 "聖誕老人與狗不得入內". d 人覺得, 聖誕節原本係一個holiday of love, 慢慢個意義冇左。而家變成一個商業活動, d 聖誕老人周圍走, 其實係d 商人利用去做 hard selling. 而今時今日0既 X'mas, 已經變成holiday to be crazy. d 人乘乘機機去瘋狂咁去shopping, 瘋狂咁去v wet, 瘋狂咁去party, 去發洩, 去劈酒, 去搞破壞去周圍dump 垃圾....

今年平安夜, 香港就有22 萬人去左尖沙咀睇燈飾, 第二日發現文化中心d 牆俾人塗污, 而尖沙咀有7 吨垃圾要處理。

而我自已就去左一個party, 去睇戲, 同埋訓覺. 如果唔係要幫林女士搬屋, 我諗boxing day 都係留0係屋企訓覺。

其實我一d 都唔覺得人0地, 甚至自己, 咁樣過X mas 好有意義. 不過, 唔咁樣做, 又可以做d 乜? 明知燈飾唔一定要0係平安夜至去睇 (其實過多兩日, 0係平日睇都得, 仲唔使迫0忝); 公物0係一年365 日都唔應該破壞; party 唔一定要去, 睇戲同埋訓覺幾時都做得......

但係好多人都覺得, 個假期唔搵d 0野搞下, 而留0係屋企的話, 就覺得好孤獨好淒涼. 所以有拖拍的的話就死迫難迫都要去睇燈飾, 冇的話就點都要搵人出街至安落.

講到底, 隨波逐流, 一窩蜂咁做一d 所謂0既 "大路" 事情, 都係為左令自己0既心安落一d.

-- 所以先至要應酬自己, 因為悶。



我要檢舉
台長： ah b

您可能對以下文章有興趣

人氣(32) | 回應(0)| 推薦 (0)| 收藏 (0)| 轉寄
全站分類: 不分類

TOP
詳全文