見阿祖在網上發表了對醫療界的不滿.我這位間接受害人都要發表一下!!!
事件重組過程:
1.話說4/9我地一行十四人,本來高高興興去到石澳泳灘"碧波蕩漾".但由於波濤洶湧 仁貴與SWING的頭部就在大海中相撞,不幸地仁貴是耳朵部位撞向SWING的大頭,剎那間,仁貴頓時覺得耳朵劇"WONE"於是馬上上水,原來耳朵已經流緊血啦!!當時我正躺在陽光與海沙之中...........
2.於是我地就聽取急救站的建議叫白車,其間白車的救護員態度是很好也很友善.可惜到了東區尤X夫人那X素醫院之後就遇到個態度其差的醫生,差的是他所講的每一句說話都可以等如沒有講過, “耳膜撞傷左,咁都無咩做架,你想留院都得不過都無咩會做,觀察law,照X-ray,無用個wor,照骨架咋,你想照都得,不過你傷係耳膜嘛” 醫生啊,醫生啊,係人都知仁貴撞傷左耳膜啦,咁有幾嚴重?需要接受咩治療或者洗下傷口都得掛,即使你唔係耳鼻喉科專,都可以講得清楚小小,洗傷口都識掛,咁既態度都要比100蚊,真係一d都唔值law.
3.就這樣沒有可做的情況下,我們便離開去吃晚飯了.
4.到5/9仁貴去了屋企留下的私家診所,都係用左100蚊,個醫生話都幾嚴重,中間裂開反左少少出來,一係等個耳膜自己好,但係可能要做手術,建議你去排政府專科.雖然都無咩講到但起碼講了個清楚d的情況和實在少少的建議.
5.仁貴就拿住張東區的轉介紙去到荃灣仁濟醫院,張轉介紙 ‘吸’左個priority的字,話可以優先,但仁濟那邊竟然話重來無見過這樣的印,然後話而家排期要到下年先有得睇.於是,仁貴就打番去東區問,因為那個cheap cheap醫生話如果你住那邊的期要排好耐就過番黎東區睇啦!!點知,打去問的時候,他們話你唔係呢邊住唔可以過黎睇架!!!!!! 呢d就係香港政府的醫療人員…….
6.最後,我地竭定去睇私家專科,嘩….比800蚊睇既果然唔同!! 首先係有部電視比你睇到自己隻耳仔的損毀情況,左右耳對比,又真係幾傷bor!!之後馬上清洗,因為醫生話怕海水污糟會感染,到時就麻煩,佢的態度係很細心和溫和!走的時候有3包藥,一支滴耳的藥水和一舊好似泥膠咁既耳塞.睇完之後好開心,雖然醫生一開始講到都好嚴重,但佢話唔怕等一個月左右佢會自己埋口,唔感染就不用做手術,終於有個似醫生的醫生講番d係醫生講的說話.還有就是保險可以claim番!!
甚麼是公義?甚麼是醫者父母心? 我們活在的城市,原來連最基本的醫療服務,都沒有公義而醫者也沒有父母的心.我們只想要基本的身體檢查,和急救應該有的服務,但這些原來都很難得到.$100的政府門診其實都不是很低的價錢了,因為去私家門診都係貴多幾十,那麼政府的醫療服務到底提供了些什麼??
在這件事上:
1.我發現仁貴能表現出一慣的冷靜,知道耳仔流血,沙灘的急救人員話要叫救護車時,佢仲好理智咁話我先去沖身,你地幫我叫車.那刻我覺得好好笑!
2.我發現我原來都可以好冷靜!!呵呵……沿路我們在白車上都有說有笑,我發現我倆越來越有默契.
3.我發現我們沒有太多負面的想法,也沒有埋怨大海,更沒有抱怨這件事的發生,只是比較擔心影響工作.
4.我發現買保險真係好重要,其實現在的保險很好,幾百蚊已經包括醫療和儲蓄,朋友你買左未啊??寧願買少d奢侈品都要買保險啊!!
5.我發現原來出現了困難的時候,不論大小都真係可以令人前進,團結,貼近神,唔怪得保羅坐牢咁大件事,可以令福音更興旺,就係因為信徒團結一致!好彩,我身邊有好多基督徒朋友,連文迪都話佢夜晚有為我地祈禱噢!!
6.感謝神讓我們發現天父的創造實在太奇妙,以前唔覺“造物主”這三個字咁有power,這件耳膜事件真係令我大開眼界.
7.感謝神讓我看到醫療界的可怕,我們真係要為香港懇切祈禱,轉化要臨到香港!
8.感謝神讓我知道要迫切為弱勢社群祈禱,有起事上來,真係無錢就無人幫到你.
香港啊,你有幾多先進的醫療設備,卻沒有愛又有什麼益處呢?
香港啊,你有幾多儲備金,樓市有幾旺,卻沒有想過市民的真正需要又有什麼益處呢?
文章定位：
