Past and future...I’m here... Though you’re far away... I’m here to stay... Though you’re far apart... you’re always in my heart...

78愛的鼓勵 0訂閱站台

james blunt:

9月30日:星期六啦~!我用放假ge心情黎返個半日學~~體育堂考步操90分~~~
好簡單~又唔洗跑~又唔辛苦~~放學囉~~本來想係屋企休養生息一下~~
但係點知都比人搵左出街打機~~算啦~陪佢地玩啦~^^
玩完之後去左買衫同啊媽~~~去左水坑尾~行對腳都斷~都冇啱心水ge衫
~~跟住又行多幾間~~終於算有件睇得上眼~~於是就買左啦~~買完就返
屋企囉~~跟住就食飯~打機~沖涼~訓覺~~

10月1日:國慶喎~唉~冇咩所謂啦~有假放就ok啦~~!朝早要去國慶歡樂行~~
6點起身~真係唔方唔歡樂囉 =.= 行完之後先10點~~跟住二個fd就黎左
我屋企打機~打到11點左右~~佢地就走左囉~~我就即卡去沖個涼~~
跟住食飯~食完飯之後~~就同D FRINED去黑沙燒野食囉~~~
2點幾差唔多3點上車~~塞車塞左好耐~~我差D訓着~~不過一面聽歌一面
坐~SO冇咁悶~~過到去差唔多坐左成個鐘~~過到去黑沙勁多人~~~ =.=
冇位~~搞到我地要租爐~~150蚊~一個爐~一張枱~十二張櫈~~~不過唔洗
我出~~好多野食~~我玩到7點幾就同個FRIEND走先~~~返到屋企8點~~
洗個面~食左少少飯就上網~跟住就沖涼~訓覺......

10月2日:今日終於冇人搵我囉~~於是就留係屋企~~休息下~~聽下歌~~上下網~~
發下呆~~咁又一日~~

10月3日:國慶最後一日假囉~~~溫左一陣習囉~~本來想出街買孫燕姿隻碟~~
不過懶~~冇出~~留左係屋企~~聽歌~打機~~過一日~~

10月4日:好似平時咁起身梳洗~THEN返學~~一返學就受刺激~~接到張化學測驗
卷~~一接到~~我好平靜~~因為都估到架啦~~~隔離班都冇人合格~~
佢地個班應該有50幾個人啦~~冇人合格~最高53分~~~
至於我啊~~40分囉~~冇咩~~已經算高啦~~我地班58人~有一個合格~~
而且都係得65分~~因為個MISS(化學硅)出晒D課外題 =.=”
跟本未教過~~而且時間又唔夠~......算啦~~功課&實驗做好D就可以拉
返D分~而且我上一次大測81分~所以唔洗驚~~
體育堂=.= 測側手翻 =.= 識鬼啊=.= 轉到一半就跌~~不過個啊SIR好
好人~知道體育呢樣冇得勉強~唔得就係唔得~~~所以60分~~~
跟住D堂~冇咩特別啊~~不過10月6日物理又測驗 =.=” 同語文一齊測~~
又有排溫~~........
返到屋企都係好似平時咁囉~~~不過溫左陣習~~~

10月5日:冇特別~返學放學~~~不過功課都算多~~而且聽日又測二科~~
返到屋企~~上下網~~見到有我搵左好耐都搵唔ge歌~~
係james blunt的歌~~於是就即卡download~~down左之後又見到有人
幫人搵歌~之後就走入去撞下運氣~~睇下可唔可以搵埋個几首
我搵唔到的 james blunt的歌~~留左言之後我就off左~~去溫習囉~~
溫到食飯~~食完飯又溫~~溫到人都傻~~~.....沖完涼~又溫~~
溫左陣就訓囉~~唔想溫囉~~不如聽朝早d起身溫重好啦 =.=”

10月6日:中秋節喎~~!6點3就起左身梳洗~then溫習~~~溫到7半就返學囉~~~
返到學校~~琴晚d功課未做過~so即卡做~~~
上完早讀之後~~就上化學堂~~頂~上個miss(化學硅)堂超辛苦~~
佢重要唔比落堂 =.= 想死~~跟住又話~下個星期要逐個逐個上去佢度~
睇下我地d化學程度~~唉~叫佢收皮啦~~~
冇落過堂~之後即卡上下一堂~代數~~點知代數又拖~~唔洗落堂~
又上下一堂~~物理~~測驗~~測驗我全部都識~~~不過唔洗講~
測驗又拖架啦~~又唔洗落堂~~~跟住地理~~~頂 =.= 又拖~~
好啦~又唔洗落堂~~又下堂~語文~~測驗~~~測完之後放學 =口=”
終於可以呼吸下d新鮮空氣啦~~
下午d堂好舒服~~~歷史&英文會話~~
放學之後~我d friend話今晚出黎行下街喎~~~好啊~冇問題~~~
so今晚8點鐘應該會出街~~~屋企~~沖個涼~~(今晚當然會沖多次啦~)
之後上網~見到琴日ge留言~佢真係幫我搵到個二首歌~~~開心啊>. 終於搵齊james blunt的歌啦~~~之後就黎左打日記~

HE~!各位~~中秋節快樂啊~!!