§ 我的日記 § 堅持快樂

31愛的鼓勵 0訂閱站台

..我琴晚發夢..夢見4個兄弟姊妹都係好細個個時...
仲記得我地係木屋區那間很細小既木屋度...係兩層樓高..估唔到咁細細既木屋都有樓上呢..好威架..

一入屋..直望你會見到一架高架左既電視機(電視機都有高架..問你死末)..下面就係洗衣機..左手邊就係放碗碗碟碟既地方.再前小小就係所謂既廳..如果你坐低..個廳就有你伸直隻腳咁既寬度..地下係水泥地...所以天氣一熱..我很喜歡睡在上面..但媽子成日話..亞死女...成日lee地下..會風濕架...個時我都唔多理..只係一齊同老豆笑笑..就係開住個電視睇..但都幾辛苦..個仰角都幾大下...直入就係廁所..個度只有一塊大鐵頂住..都好牙煙..成日我諗如果亞哥同細佬沖涼..塊野跌左落黎..咁就真係正咯~


仲有...右手邊就係樓梯..e條樓梯好勁架..真係要講下..我地食完飯..好興幾條友仔..各霸3格..腳yaya咁~一路做功課一路睇電視..個時燈光唔夠...所以我地4兜友家下個個都帶超~.行上2樓...有兩個窗..由於燈制係好入..所以成日都要痴牆去按個制..仲有..我好怕黑架ma>.成日望住個窗.d衫又晒晒係頭頂wor.風吹..衫又吹....又黑怕怕wor..無話唔驚~唯有口upup...喃無阿彌陀佛~喃無阿彌陀佛....咁咯..而家都有...自己嚇自己ma...諗返都好好笑...

以前簡簡單單...最開心就係一家人食飯既時候..窮ma...只有小小送..但係我地就會一齊爭野食..真係好開心..

有幾件事都係好深刻...隔離屋個男人係露體狂..成日唔著衫拿住把刀係度跳舞..咪話唔驚..仲有...後面街個個真係傻架..叫傻佬傑...聽聞佢會捉d女人去咩咩架...咪話唔驚...仲有佢好興燒野燒到火足..我地都成日走火警...除左以上人為既事之外..仲有d係天災..因為亞傻佬傑屋後就係海..打風..又遇o岩潮漲..實要走佬..講起走佬就更加好笑...次次打風..就問定亞媽..搬左洗衣機先定搬電視機先...次次打風我地4個都好合力架..又勤快..夾手夾腳..唔知係咪個時練返黎既呢~不過一打親風..成間屋就搖黎搖去...好恐怖架..亞哥仲救過我一命..亞哥係我救命恩人..所以個時成日口講好嬲佢..邊嬲得落...我好快唔記得...

講起細佬先搞笑...襯而家小小人好講啦..細佬細個個時又瘦又短頭髮...佢又有個朵.叫做十仔哥哥..why..問點解..因為佢bb個時喊到成個青州都知咯..哈哈...喊足一百日..叫喊百law..wor....仲有佢讀書真係叻到無得頂...年年考第一只係得law獎狀..無錢架...亞媽話如果我地生活係香港..個個都會係大學生..讀書仲唔洗錢tim...做人邊有得望返轉頭架...right>.仲有細佬既做型..型得boomboom聲...隻襪永遠扯到最高...認相認人永遠好快認到..真係勁搞笑.>~