24h購物| | PChome| 登入
2007-02-28 20:25:19| 人氣53| 回應0 | 上一篇 | 下一篇

2月28日

推薦 0 收藏 0 轉貼0 訂閱站台

今日係月結...除左好晏收工之外..仲係好多野做既一日..
今日一開工.已經被3個客輪流媽我..我已經好唔爽...仲要比elza..咬..咁我咪咬返佢...唔好以為你職級大就可以對我為所欲為wor..我唔怕你架wor..然後...都係講笑咁講姐..不過我真係有d火..同自己要靜靜地.跟住個買外幣既客又黎辣著我...明明講左個價你話ok我先同你放..你轉個頭黎屈我..你真係買xx唔知定啦~屈我...話我唔緊要..屈我..你真係想c定啦...我話..你唔係第一次買外幣呵...咁都講得出...真係要好好咁請教下其他客.補下習先得啦~無其他野..我叫第個客啦wor..我話鬼知你賺小左定點.講左就要算數...有一次咁其他客咪會有樣學樣..真係..

下午..一食飯返黎..又比個客話...好心問你換唔換簿姐..你條陷家祥..吋我...我排左半個鍾隊啦..仲換...咁我咪火都黎...中午食飯係人多架啦..排半個鍾咪算好...我地其他分行要一個鍾先埋窗架..眼超超咁望我..我就驚你架啦..我係e度最快手架啦...你唔鍾意就幫襯其他銀行啦..笨...d惡人好似一黎銀行就要同你妥協咁...你叫我吃屎..我唔通吃咩...正一賤人..好心無好報..仲有條o木咀...話有無存錢箱wor..梗無..你話e度bcm同boc咩.有無搵個方法...得.你入黎你自己存咯...可唔可以打尖..你問下出面條龍先啦...我已經做到氣咳

然後..唉....我落錯盤呀...想死.真係.
個金額係2次既花紅..真係唔知點..好彩個客係熟客..肯同我簽返名..但d貨就肯定係我接架啦.唉.........個數咁大我點接呀..唯有望明天個市上返..放到就好.....好煩呀..好唔開心..我幾時先有得唔洗做股票位..多多錢都唔掂~

琴日已經做錯野..今日又係咁...我一定唔準自己聽日再錯.再錯..罸你今個月無得買野比自己..今個月唔準洗錢...好彩平時人緣好...幫得人多..今次sonia同anna幫我..唔係真係寫報告寫斷筆都有知...

個市如果仲係咁癲..我點止要打醒12分精神..真係要碌大隻眼先好做野...貴燕呀...今次係一個小小既教訓...希望你真係要小心d....好無...

唉.....................

我要檢舉
台長： 貴燕

您可能對以下文章有興趣

人氣(53) | 回應(0)| 推薦 (0)| 收藏 (0)| 轉寄
全站分類: 不分類

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文