§ 我的日記 § 堅持快樂

31愛的鼓勵 0訂閱站台

琴日上唔到網...搞到今日先打返..
琴日真係勁慘....因為前晚打邊爐.可能d野唔熟.搞到成晚做左所長...攬住個屎坑訓覺..真係會驚死....第一次驚死~真係無晒力..跟住..仲有2日..點都要捱返工....真係超級辛苦...水都唔敢飲一滴...食物完全唔敢吃..一直一直..到收工返屋企...先食左個蘋果...真係超慘...做起野上黎都頭暈暈..眼花花..個種辛苦真係不足為人道..收左工仲要開會..我老闆真係無人性架
好彩.今日好返好多...但係都唔敢亂食野...行起黎都無力..

今日好晏先收到工..成8點..因為年結..幾驚又係黑仔一日.又要short數..好彩姐...亞初最後一日lu~有點唔捨得..好彩唔洗我再做找換..姐..我要側側膊~

2號黎新人啦..到時實倒屎咁多人..中午食飯e小姐陪左我去買禮物..真係好ar頭..好彩買到..到時佢實開心姐..呵呵~

聽日亞哥亞嫂請飲茶..跟住本來同小小聚既.點知佢原來要帶d同事過澳門玩.決定joinjoin佢地..

越黎越鍾意睇范蠡..因為型仔..功夫勁..有勇有謀...又情深..又有內涵...真係...一個字....骨~..但佢好似有某人既影子..點算~~

我都算幾有性格既人..=="..唔鍾意人煩..唔鍾意人拖泥帶水.做野..唔鍾意人痴身.係咁多....
同我講道理.我比你更長氣...哼...唔係你話..
同你講靜..我比你更靜..
同我講野蠻...我比任何人都蠻

講下咋..唔好咁認真.不過不吐不快.
病之前個晚我記得我發左個好得人驚既夢..我夢見自己右眼珠甩左...好得人
驚ar..真係...嚇到醒左..一額汗.. 媽ar..病既時候...都係父母最關心自己~
而家諗返可能係病既先兆~

副理送左支好香既香水.同埋...bodylotion仲有..沖涼既..超鍾意...不過我知好貴...個包裝係我最愛既紫色..

其實都唔明.我同嘉穎咁好關係..係因為我地相識於微時..唔單止你見到我好似honey咁...我見到你都好開心....

你特意買面包比我食.同埋糖水得一粒湯圓..係你最愛吃既..都比我食..仲有一朝係水坑尾美心見到你..你即刻攬住我唔放.叫我...我就已經開心死..

咩禮物對我黎講.其實都係身外物..最緊要一份心..
佢曾經講過..你對我個女咁好..我更要錫你..

我個時真係相信係因為咁..但..都有小小幻想.係因為我地相識左6年既關係吧...

今日著唔夠衫..又好似頭興興...算..都放緊假..又一年咯..貴燕..
元旦快樂ar.身體健康