無愁無慮似天使 天天帶著笑 人人朝著那方向 心中帶著笑 浮浮沉沉天空裡 熱烈地呼叫 興奮熱情 嘻嘻哈開心到不得了

95愛的鼓勵 1訂閱站台

我開始明白點解個陣晶晶話會呀亮係d 太乖既男仔
以前覺得乖仔,斯斯文文都幾好
但當我之到左連angus 都會去偷食既時候....
我真係崩潰....係我心目中d 咁乖既男仔都走去偷食....
我其實第一下聽到真係接受唔到...
而最近我認識左一個我感覺佢都係乖仔斯斯文文個種...
佢比我既感覺其實有d 似以前好乖既angus...

而就連當初咁愛我既曹振國都會移情別戀....
除左呀澤之外
我開始唔相信...呢個世界真係唔會有唔偷食魚既貓....
呢個世界仲會唔會有d 咁乖既男仔...
而我又仲會唔會咁好彩遇到?
跟住仲好好命咁佢唔會好似呀國咁又識左第二個..因為呢個男仔都係細過我..

呢d 係咪就係人大左經歷多左睇野多左...

就算對住個位浪子..其實我都無信心...
但感覺好似實在d ...覺得貼地d ...
係..佢係成日諗埋晒d 唔正經既野...但至少我會信佢係真係咁諗緊
因為佢諗呢d 野都好正常丫我覺得..因為佢似係咁
..我唔係信佢係玩夠想停落黎...而我信佢我對佢既吸引力有幾多...
而我自己又預左同佢無結果....所以橫死掂死..打死罷就..自己會努力試

而另外個個男仔..唔係佢唔好,佢亦都無呃過我...
但係我成日都會凝住佢宜家可能覺得我好.但遲d 佢就會識第二個...因為佢未玩過
就好似呀國咁...我同佢一直都好好,而佢一直都好愛我..但咁又點?
佢咪又係識第二個..我地就算咁多年感情都係結唔到果...咪又係行唔到落去
咁樣諗其實對呢個男仔黎講係好唔公平...
因為我用左一d 唔屬於佢既過去去評定佢既將來..
但我又控制唔到自己咁諗...
我真係好無信心...當我認識呀國個陣..我真係覺得自己好好彩...
係我經歷左咁多波折咁多唔開心.都竟然比我遇到佢...一個咁愛我咁包容我既人..係幾咁難得既一件事
但到頭來..都係一場空...最後都係分開...
假如呢個男仔,我真係有機會同佢發展...我諗我都會好驚好驚而分心唔識好好咁享受同佢一齊幸褔既時刻
又或者係唔敢太高興...因為總會驚自己最後都係跌低