Dermes and Rolex＠無愁無慮似天使天天帶著笑

2015-05-02 02:25:36| 人氣319| 回應0 | 上一篇 | 下一篇

推薦 0 收藏 0 轉貼0 訂閱站台

佢去買Rolex , 我會覺得男人總有自己追求既野..所以我都會贊成

我join dermes, 做左就一世無女仔既麻煩...佢無話我..但我唔之點解.其實我好驚比佢知..好驚佢話我亂駛錢

但係唔講比佢之我個心又唔舒服..講完又覺得佢會覺得我呃佢

可能因為佢第一句就問我,你有錢做咩?

其實我唔介意比佢之我有幾多錢係到..而我一直以黎就算夠唔夠錢駛都好我都唔會話佢之

因為我覺得係我自己既事

但係自從我發現佢會猴住我份雙糧,以為我有錢可以送電話比佢又幫佢供錶而同時佢又唔會話比我之佢有幾多錢...

我唔介意駛錢係佢身上...而係,其實我都無多餘錢...都係硬住頭皮..可能佢覺得我負擔無咁重啦所以佢覺得我有錢淨

但係我唔開心既係,其實d 錢係我自己慳返黎..而我根本亦都未有得出雙糧.同時我都有我既財政壓力.

唔話佢之..唔代表我無呀...只係我唔講比你之咋..

自此之後,係我還返晒d 錢比佢之後..我再無講過我仲有幾多錢淨...同埋我話左比佢之我無乜多餘錢

我係一直仲有少少錢係到既..但我係選擇最後先用..

所以我最近呢幾個月睇醫生都係用每個月出糧既錢..

所以我每個月都無多餘既錢淨..

我之到呢幾個月佢一直都有比錢我,.多就唔係真係好多..但對我黎講都唔少架勒

其實我收佢d 錢既第一刻開始..我都係諗住會還返比佢

以前唔講比佢之我係慳住咁駛係唔想佢比錢我..因為我都驚會成為左佢既負擔...

我唔會想再要佢d 錢..平時洗費無所謂..但我唔想再收佢額外比我既錢

我唔鐘意欠人既感覺..同埋.我總係覺得佢其實係唔想比我

係..無錯...女人最寶貴既青春係比左男人..所以男人比錢女人作為補償..

咁既講法唔係無道理...

但我唔係廢人呀..我係大人黎架..我有手有腳.自己會搵工,自己會搵錢

我就係唔鐘意灘大手板問人拎錢..

我最多當係自己借左...不過等有錢先至還.有拖無欠

如果係話你禮物就另外一個講法,

但都唔會接受咁厚既禮物啦

特別係對自己既咁親既人

點會想佢破費...

但係調返轉..我都鐘意駛錢係自己鐘意既人同屋企人身上

因為見到佢地開心,,可以報答佢地就好

我要檢舉

台長：彩霞仙子

人氣(319) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)

無愁無慮似天使 天天帶著笑 人人朝著那方向 心中帶著笑 浮浮沉沉天空裡 熱烈地呼叫 興奮熱情 嘻嘻哈開心到不得了 95愛的鼓勵 1訂閱站台