我的名字叫抵死＠無愁無慮似天使天天帶著笑

2014-01-11 02:06:41| 人氣122| 回應0 | 上一篇 | 下一篇

我的名字叫抵死

推薦 1 收藏 0 轉貼0 訂閱站台

你話你係咪抵死丫...好好地有份工就辭左..happy 左陣..宜家搵埋搵埋都係0岩0岩好夠食..之前有份高人工既工係你面前又諗呢樣個樣..到自己想做搵多d 既時候就無左..抵死丫...宜家又係到撲黎撲去,尋尋覓覓....最抵死個下係,無端端爆出黎話想搵多d 錢呀!!!!!大佬呀..學呀澤話齋..想搵多d 錢都唔係呢幾個星期既事啦...再者之後又去澳洲.咁係呢段時間可以搵多幾多錢呢?

不過,我係有我自己既原因既...我都應該要負返多d 責任..都叫做happy左咁耐啦..第二個原因...係我想星期6 日都返工,咁咪唔駛諗住要搵人陪囉..好就好在宜家send 左個份工係返星期6日每日4至6個鐘..咁都唔係辛苦而且無晒自己時間..起碼晚飯都可以同下屋企人食..我仲有星期3呢..~平日又放咁早..雖然星期2同要學法文....我呀要找卡數架!唔搵多d 錢點得..雖然我應該淨係黎緊呢個月既卡數比較多同埋幸好我12月既收入多左d ..原本,我仲諗住12月多左個d 可以比d 媽咪爸爸同婆婆...但無啦..哈哈因為我買左2千蚊護膚品...其實係要買既..因為自己真係要用..連送連買買左12樣..所除返開都唔係好貴..不過一野要比2千蚊係攞命d ..好彩呀國資助我一半..宜家我既經濟狀況係不停吊住條命但又死唔去..哈哈..

陰公...返9半放3半即係6個鐘,但一個鐘食飯係無錢..即係收5個鐘錢..又但係食飯撘車就佔左一個鐘錢,即係我實收係4個鐘錢...真係0岩0岩好..多都無...都話我的名字叫抵死.係自己揀既.無得怨,而我亦都唔係怨緊..好彩唔駛養家..不過宜家咁樣真係覺得輕鬆d ..最緊要可以返工遲到..哈哈哈哈!!!我真係唔可以早起身..就算宜家返9點半我都係遲...因為我成日都唔想早返..我覺得早返係蝕左比佢..所以最後一分鐘先至出門口..而亦都演變成有時遲到都無事..咁咪無事..我之到咁樣係唔0岩..真心希望我由呢年開始可以搣甩呢舖癮!雖然我係遲到,但我可以發誓咁樣係令我工作更加開心同用功.!

我要檢舉

台長：彩霞仙子