無愁無慮似天使 天天帶著笑 人人朝著那方向 心中帶著笑 浮浮沉沉天空裡 熱烈地呼叫 興奮熱情 嘻嘻哈開心到不得了

95愛的鼓勵 1訂閱站台

好耐無去過澳門，今日一點到乙水仔，第一次幫襯雞翼包，好味無骨又抵食，奶茶都好正。跟住就去食燕窩奶撻，椰味加奶味好正。之後就食豬扒包啱啱好趕得切。然後就梗係去食禮記雪糕。今日係云尼那，士多啤梨，椰子。士多啤梨麻麻地。玩左一陣原來新葡京自助餐好抵食二百八十加一食兩個鐘，抵。不過要下次先至食得。去左又一間禮記，今次係食魚翅，正正正。雞㷛中勾翅。不幸地右邊鞋底甩左，想買過對新鞋。點之個個款都無碼，真係好生意，算，橫掂過多陣去睇水舞間都唔駛行，睇完又返香港，可以慳返。水舞間值得睇，國哥哥勁衰幫其中一個角色改花名叫底褲佬，佢係一個軟根黑人著住條白色底褲。睇完再玩左陣就返香港。行緊返屋企個陣另一邊個鞋踭都甩埋，無得救，喔噢!