無愁無慮似天使 天天帶著笑 人人朝著那方向 心中帶著笑 浮浮沉沉天空裡 熱烈地呼叫 興奮熱情 嘻嘻哈開心到不得了

95愛的鼓勵 1訂閱站台

話都無咁快四日三夜嘅台灣生日旅行就完左，真係玩得好開心！去左好多地方

第一日：
我地兩條友都不約而同咁早早醒左訓唔返，賴住係床無耐就出門口去老麥食早餐。好好彩一食完早餐一落樓就有車，結果，六點都未夠就到左機場，counter都未有人係到。八點幾落機，十二點幾一點就到酒店，第一站去左國哥哥大力推薦嘅永康牛肉麵，我覺得啲配菜比主菜好食。食完去左媽媽大力推介嘅袖珍博物館，真係好袖珍好靚，最鐘意啲細粒野，不過，如果啲人仔可以整返靚多少少會更好。跟住就去左故宮博物館，睇左小白菜，好鬼死大，行到就好攰。夜晚食燒肉，超級開心因為有好多款雪糕！我總共舀左三轉食晒多隻味！

第二日：
期待而久嘅一日終於黎到！好戲梗係在後頭啦，我地先去左動物園。啲動物仔好搞笑尤其係隻亞洲象，傻下傻下，係到左左右右，唔知做乜。又睇左啲可愛企鵝，擺晒pose咁。又係行到好鬼攰，同比蚊咬左好多嘢，痕到爆炸。去左文化區，買左個手袋同銀包，都係我最鐘意嘅天藍色，好靚架。緊張嘅時刻終於都來臨，Mr.J。比預定嘅時間早左半個鐘到，食物都唔錯，唔算貴，都唔係好搵笨啫。黎台灣都係為左去呢到咋，不過啲精品真係揀唔落手，勉勉強強買左副啤牌，但係已經夠我開心成世。哈哈好誇張呀!食完飯，行去101，走個圈就返酒店勒

第三日：
book左車去九份十份平溪，點都估唔到我地嘅行程會變到咁豐富。去左野柳睇女王頭，九份老街，黃金瀑布，陰陽海，黃金博物館，十份瀑布，十份車站，放天燈，饒河夜市，由天光玩到天黑，攰到行唔郁

第四日：
再去多次永康牛肉麵，然後行下西門町買下衫，上車去機場lu

台灣人真係好善良同友善仲好好人同熱心助人又有禮貌