無愁無慮似天使 天天帶著笑 人人朝著那方向 心中帶著笑 浮浮沉沉天空裡 熱烈地呼叫 興奮熱情 嘻嘻哈開心到不得了

95愛的鼓勵 1訂閱站台

我對鼠仔黎講只係提供食物同水比佢嘅人。就係咁簡單，多都無呀。個衰仔今晚終於都走出黎。見我返左黎就鼠個頭出黎望下望下，見我行過去仲成隻鼠係個洞到爬出黎行黎我個邊。平時？！叫極佢都懶得睬你，喪訓。事關我今朝出門口個陣無餵到佢嘛，咁佢宜家咪咁好招呼囉。平時食飽就睬你都傻呀。衰到爆。更衰嘅係佢勁揀飲擇食，頭先我放佢係手到餵佢，我係咁隊粒粟米佢，佢死人都唔食之餘仲係咁擰轉個頭之後仲轉埋身添。勁串呀條仔。但係比啲瓜子佢就即刻拎住黎慢慢食囉。跟住我咪話佢囉。我放返佢入籠，比晒佢啲全部都係佢唔食嘅糧然後指住佢同佢講「我唔理呀，你點都要食晒佢呀，無得唔食呀」我仲後補多句「唔準撥晒出黎，你試下撥晒出黎丫，我就打你」我覺得佢之我話佢所以佢之驚就無撥啲糧落地下。比著平時，一見到唔食嗰啲就即刻掃晒落地，連個兜都掃埋落地添呀