無愁無慮似天使 天天帶著笑 人人朝著那方向 心中帶著笑 浮浮沉沉天空裡 熱烈地呼叫 興奮熱情 嘻嘻哈開心到不得了

95愛的鼓勵 1訂閱站台

望一望自己間...我真係有好大既感觸....我同自己講"邊個娶著你真係三生有幸..."

亂撚到丫...又唔掃地又唔抹地又唔執屋d 野又周圍放....我諗返起個套日劇螢之光

我諗我間房都可以比佢用黎影劇照..

 

 

同呢張唔同既係我無個女角咁索同咁靚囉

可能你會話"我有時候間房都係咁亂架啦^^"

但係我會話我近呢年返到屋企每次打開個房門都會被嚇一嚇..乜出去之前有咁亂既咩?

 

其實我以前,即係差唔多7年前唔係咁架....

個個時候係我讀緊中4,5, 同FD...當時我真心咁認為自己將來一定係個好稱職既老婆同媽媽.基本上,我最少每個星期既6或者日都係要黎整理間屋...掃地抹地執屋洗3晾3都係每個星期最至都會做一次....如果個晚男朋友會過黎過夜,我會去買餸住飯,更攰都要抺埋塊地鋪好床鋪揼埋個骨先訓....服待得幾周到呀..

宜家: 

入房除3灘係張床到唔郁...有時仲會過份到叫我呀婆幫我開門...因為除左3 未著返3 就訓左係床...點解會變成咁?咪就係因為識左第二任男朋友囉...見到佢d 野無位擺就擺晒落地..初初我都會話佢然後幫佢執...漸漸我就好似受感染咁..返到自己屋企係咁..因為方便...宜家一地都係雜物,紙巾,3褲袋,書...乜都有...都唔記得左無抹地有幾耐

 

FD之後我都開始無煮過野食...是咁的

我又咩識煮既je?來來去去都係個幾樣架啦...但我都點都唔估到第一任真係可以講得出口"下次煮第二d 成日食黎食去都係個d"無錯我淨係識得整呢d ,但你食得個幾多次je 已經可以同我講句咁既說話?有次講好左會黎我到食飯我煮到成枱餸你又就一個電話打黎話同同事打牌.."即係點呀?即係唔黎食,唔黎訓?" .."我盡量啦...''結果咪又係無影....過左好耐.都應該有一兩年...個次係我最後一次煮飯比佢食...特別既我唔識但都已經唔係之前個d ..個曰我拎住個飯壺去到黃竹坑等佢放學....上左車我叫佢快d 拎出黎食..你之啦飯壺keep warm 既能力都好有限..佢話落車先...因為佢住屯門..所以我地係太古廣場到落左車..我話不如你係到食左先唔係我驚返到屋企先食就凍晒而且返到屋企好晏我驚餓親你...佢好無奈地打開住個飯壺,食左2啖"不如都係返到屋企先食".....我明既d 食物唔吸引...坐係個高級商場到食飯壺分分鐘都會撞見到同班,容乜易會比人笑到面黃....我唔之佢個心係咪咁諗但至少我個心係咁諗...只好怪我自己期望過高

到左宜家...我每次入親廚房整野食...我都會諗起你走埋入黎88卦卦又幫唔到手但又死人都唔走返出廳要陪我煮飯洗碗....你之唔之到我樣樣家務都肯做,就係最唔鐘意洗碗...如果唔係因為想煮野比你食,我都唔會肯去洗碗

 

自從我有第一個男朋友,我就有個咁既諗法,鐘意親我個d 某程度上都係基基地....如果唔係點解鐘意一個似麻甩/0靚仔/爛仔既女仔?講野又粗聲粗氣,又惡成日講粗口郁d 屌鳩人粗魯,又郁手郁腳跟住仲成日借d e 抽鳩人水但又唔比得人地玩反轉頭情緒又起伏不穩,成曰喊喊喊,煩到喊呀真係.......仲有!!!!!!!!!!!!成日唔沖涼

 

燦神講得0岩"百貨應百客".....好難想像將d 屎擺入口既感覺係點...亦更難想像點解呢個世界上又真係有人鐘意食屎...

 

所以我當時由一件麻甩旦散0靚爛仔變成一個女仔既時候係付出左幾大勇氣呀!..我呢d瀟開架嘛...為左你..唉是但啦留長就留長啦...唔oversize 囉.唔著男仔個d 短褲囉...唔型咪唔型囉...姣咪姣囉..個感覺就好似叫一個輟左學既金毛飛乖乖地咁返學校讀書考會考...結果雖然唔係拎5粒*或者A.但有個E都好過渣U...盡左力架勒老細.V.

 

 

我覺得...我係一個浪子..

我宜家真係無晒以前個d 心機同耐性