過去的星期＠無愁無慮似天使天天帶著笑

2011-02-27 23:25:56| 人氣133| 回應0 | 上一篇 | 下一篇

過去的星期

推薦 0 收藏 0 轉貼0 訂閱站台

明明成日都有好多野想寫,但係唔之點解唔記得左...

呀!我記得勒.

好似係星期3 ...豐澤搞左個頒獎禮,我地都好榮幸地"得"到一個產品特色大獎....咁又真係幾有特色既...一支發燒會著燈既探熱針....老實講..我覺得我公司d 野都幾好既..但係唔之點解做橿都做唔起個brand ....

咁我大佬就帶我去個個頒獎晚宴啦~嘩..真係好似去concert 咁,好Q多明星架!...有呀李治廷啦,陳法拉,MR.,王苑之,張敬軒....呀李治廷唱到跳晒舞踢晒腳咁都幾激動一d 都唔流..陳法拉就無乜特別,但係佢一出場我個枱既男士都即刻望住個台...都幾搞笑...不過佢塊面太瘦..好似個老人精咁...MR.唱到fing 晒頭青筋爆現..王苑之唱我真的受傷了...唱到我都心傷了..諗返第一次聽佢唱歌...張敬軒真係超勁...唱歌勁就梗架啦,但估佢唔到既係,原來佢擦鞋都好叻...佢個晚聲帶發炎變晒聲但係都唱到好好聽,真的!佢一講野即刻係咁多謝豐澤跟住臨唱歌前又幫nokia賣晒廣告咁..之後佢唱留低鎖匙..又係聽到我sad 晒...但係我失落既時候....即係唱到尾聲既時候...佢無端端add 左句歌詞..."thank you thank you Fortress"....我頂..你條擦鞋仔死基佬丫...破壞晒啦...我個晚都超額完成...食左好多好多野...超飽..飽到勁想即刻撘的士返屋企...好好味! =P

跟住琴晚又去左九龍維景酒店食晚飯..今次係香港電器業商會搞既春節晚宴...因為上次佢地annual dinner 我幫左佢地手所以我今次有份去食..哈哈哈哈..!個個協會派左2封利是一封100一封50蚊超開心!真係又食又拎...不過飲恨既係我中唔到bingo .....第一名有3千蚊!!第二名有2千蚊,第三名有一千蚊...唉..仲等我買左2張bingo 紙..side 左我40雞...勁唔開心...即係我琴晚實收一百蚊扣埋車錢...我仲飲左2,3杯紅酒,唔駛錢嘛!不過訓覺個陣就仆街勒...唔係頭唔頭痛個d 問題..而係我都好難形容,總之就係訓又唔係,唔訓又唔係..

而今日呢~我同國哥哥去左香港植物公園..我都好surprise 佢會提議去呢d 地方..因為我覺得佢唔鐘意係戶外行黎行去...因為佢返工都行唔夠咩...好開心.睇到好多魚呀龜呀雀仔呀.d 雀仔仲係我地頭殼頂到飛過,我地要dup低頭避開佢地添..好似去左超動感影院咁...行完植物公園諗住上山頂啦,,嘩點諗勁Q 多人..所以就撘巴士出碼頭撘船過返尖咀..之後行左去麥文記到食雲吞麵...d 雲吞幾好食..不過我覺得d 麵麻麻地je...食食下...突然間係到諗點解我會鐘意食雲吞麵既呢?...然後我就記得..細個讀幼稚園既時候.我公公成日都會帶我去食雲吞麵...我仲記得我個陣好牙尖咀利..唔之做咩無端端叫個個侍應食蕉..但係d 大人就係咁...就係會覺得個細路仔咁樣好搞笑..我大個左去到麵館人地問我想食咩,我就淨係識得話食雲吞麵...因為細個既時候爸爸媽媽都唔多帶我去食麵...所以我食黎食去都係識得食雲吞麵..可能我細個既時候甚至會以為麵館淨係得雲吞麵食...哈哈..

我要檢舉

台長：彩霞仙子