24h購物| | PChome| 登入
2010-12-26 17:35:13| 人氣32| 回應0 | 上一篇 | 下一篇

我的病症

推薦 0 收藏 0 轉貼0 訂閱站台

林醫生話我宜家係抑鬱症同焦慮症...


其實我2 樣都唔覺得有架喎...我每天都過得很開心..

但係我終於都發現到我既焦慮症係真係存在....
星期6同呀國去踩單車...但係我踩極都踩唔到...硬係左搖右擺..
明明上次都踩得好地地..仲由沙田踩到去食菠蘿冰..
唔係因為架單車唔0岩踩..亦唔係我既技術生疏左...
其實係因為我好驚...我係到驚好多野...
唔敢大力咁踩落去驚會踩得快...因為踩得慢係踩唔到架
一時就驚撞到人,一時就係會衝落城門河,一時就驚會飛街....

所以我踩左1個鐘都無已經出晒汗d 手臂呀腳呀手呀都痛晒...
因為我用左好多精力去渣住堂軚...

我之到如果我相信自己係做到既話,我就會踩得到..
因為我試過幾次都係咁樣說服自己而又係成功...
但係我真係堅持唔到咁耐...而且驚既個種感覺係源源不絕...
我迫自己去信都用左我好多精神,因為我真係好緊張....
我都好想可以堅持得耐d ..,但我真係無乜信心.
我仲記得上年第一次同呀國去踩單車個陣又係因為好緊張,
所以眼都無眨過一下..無幾耐就喪標眼水...

唉,我以前都唔係咁...
宜家我撘扶手電梯個陣成日都好驚向前仆或者會向後跌..
明明已經企到好入..但係總係覺得自己企住左係邊邊位就跌就跌咁
所以我撘扶手電梯個陣,如果係上的話個人就會有少少向前傾..
如果係落既呢,就會有少少 i 向後..

聽落都幾廢同幾無聊...我自己都唔係幾接受到...因為呢d 野明明係好平常既事,
宜家個感覺有d 似....有d 公公婆婆會失禁咁...
明明係一d 好基本既事,但係自己就控制唔到....
老人家,年紀大,身體機能退化,都講得通丫...
我宜家先至得個23歲,就已經搞到自己又呢樣病又個樣痛..個人仲要弗弗下咁..
幾時先至到老?

明明宜家應該係我人生最燦爛既時候..但係美麗既背後係另一回事...
好似d 星星咁,越光就代表佢越接近死亡
咁我又唔係話自己就快死..我都無咁諗過....只係有d 灰je ,因為唔之到下一次或者係下一樣咁會咩..
可能有一日我會因為驚出街比車車死而困住自己係屋企

我要檢舉
台長： 彩霞仙子

您可能對以下文章有興趣

人氣(32) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文