無愁無慮似天使 天天帶著笑 人人朝著那方向 心中帶著笑 浮浮沉沉天空裡 熱烈地呼叫 興奮熱情 嘻嘻哈開心到不得了

95愛的鼓勵 1訂閱站台

今日,我終於都去左搞轉台個d 野....

個職員話26號開始,新既sim 卡就用得..

又會咁0岩既...我數碼通個截數日期係25號..

 

點解樣樣野都要跟住佢?

 

我明明係想避開佢,但結果永遠都係跟住係佢後面...

好似永遠都離唔開佢咁..我好驚呀..

都唔之到究竟係我死纏不放定係佢無處不在...

究竟係自己心魔作崇定係冥冥中有主宰

好似所有係我身邊既野都係同佢有關連

我自己都好矛盾,開心得黎又傷心

開心...我可能呢世都忘記唔到佢

傷心...我可能呢句都忘記唔到佢

呢個世界唔係只有黑同白..仲有灰..

但係我既世界就真係只有黑同白..我都唔明我係點做到..

我幾時先至會搵到灰色?

我諗灰色地帶會令我好過d..

無一面倒既開心,同時亦無一面倒既傷心

一個消極既想法,亦係一個積極既想法

咁係咪好似色即是空,空即是色

唔易學,我亦都未夠班學得識..

學唔識唯有做d 保障自己既事,刪去一d 會令到自己傷心既野

無左個因就唔會有果

只不過個d 野亦係令到自己開心

真搞笑原來開心同傷心係同出一徹...

其實我真係好唔捨得..要捨棄快樂先至會得到真正既快樂..

但又有邊個可以保證要捨棄既快樂並唔係永恆既快樂,而捨棄以後得到既快樂又係真正既快樂?

放棄一樣野同得到一樣野係一樣咁困難

要延續一樣野就必需切斷個樣野

 

d 野就係咁架勒,一不離二,二不離三,

我都唔只一次迫自己做埋d 自己唔想做既野

明之自己係鐘意,但又要迫自己放棄

 

點解我成日都做埋晒呢d 柒不可耐既野?

 

我諗當所有野都變成"零"既時候,我就可以唔駛再做呢d 野

 

過去理所當然是在現在的前面...

唔係點叫做 "過去"