今個生日樣樣都黎得好急..樣樣野都係0岩0岩好..無多亦無少...不過好開心
11號12點15去到尖咀反斗城..嚇鬼死我..見唔到我個promoter..原來佢唔記得左要著長褲.....
即刻勁憫自己做乜唔前一晚打去提佢...
見到d 貨好似少咁d ..打鑼打鼓翻箱倒櫃...反轉個倉都搵唔到....又嚇到我少咁條命
原來d 貸放左係cashier ...
1點鐘以為樣樣野都ok 晒,點之先至發現自己留左船飛係公司..呀!!!天呀!!!!!!!!!!!!!!!
我就係之到自己大頭蝦會唔記得帶所以放係公司因為要放左工先至去.....
但係點之都係唔記得左拎.....又要仆返去公司到拎...
咁0岩有d 同事開ot ...所以公司仲有人
好難得截左架的士....又好好彩遇著個好司機...
肯係公司樓下等我然後再直踩去碼頭
0岩0岩好2 點前到公司...然後又0岩0岩好2點15分到碼頭..趕得切!
係quality management 黎講...呢d 應該叫做just in time
落左船就梗係返酒店check in 先啦..然後就去威尼斯人,因為要去曼聯個個鋪到玩!
玩完再去賭場...戰績一般..但都總算係滿意.雖然2 個加埋條數都係輸
賭完就返酒店訓左一大覺!一訓就訓到天光..真係好難得
12號
食完早餐又去搏殺...贏左幾鋪骰寶之後....都唔之係咪比個痴線婆拍完個膞頭之後..搞亂晒我d 磁場..
個女人真係痴線架喎..2張枱一齊買邊有咁多隻眼睇je ..跟住出左2次456,佢又係到話個荷官無禁制..
我望左佢一眼,又係同我講話佢無禁到制,無幾耐佢走黎拍我膞頭同我講佢無禁制架...真係痴線,佢有無禁制關我撚事咩..你唔抵得我贏都唔撚駛咁樣嘛..即刻勁無癮...由於佢係痴線既關係,所以我無理到佢...繼續玩..我先至唔會睬d 痴線既人,容乜易我都痴埋一份..跟住就激死曹振國咁滯...因為有好幾鋪我都開口中但係無買到...係1賠5/6/8/1x...激到佢面容曲咁滯,.跟住佢就無再睬我..因為佢唔想再聽我開口中..然後我每次講完之後都希望唔中..因為我唔想再刺激到佢..其實琴日係威尼斯人到玩輪盤都已經激左佢好幾鋪..係中孤丁個d ..即係1賠35..不過因為50蚊注..我驚輸所以無買到咁多..因為中個d 係我第三個choice.而我只係每次買2款...
唉..我呢d 船頭驚鬼船尾驚賊既人都無可能贏到大錢架勒..我咁廢..
去完賭場就走左去食禮記雪糕...原來個個雪糕三文冶真係好好食架!!我之前仲以為好流....但真係好好味..今次食既係蜜瓜+云呢拿+椰子..勁正!
食完再賭過!..諗住金沙會易贏錢因為個個都係咁講....點之我就係金沙輸到仆街..[[其實都唔係輸好多,2個夾埋成個trip 都係輸左below 一千蚊..只係我輸得好唔開心所以覺得輸到訓地je ...]]
點會可以咁黑呢?玩花旗骰,我一落注人地就掟到個7 ......哈...好啦..1次唔緊要...2次係咁都唔緊要勒...仲要有第3 次.........最衰最衰個樣係..連我諗住落注都發生d 咁既事.......so crazy ...!!!!!我鐘意玩花旗骰其實因為佢可以自己掟骰,好似好玩d 有得掂到d 野....點之到我掟.....我一分鐘都無就已經輸左2 鋪.....咁就無左100....
我都唔敢玩勒...我覺得我好似係到阻住人咁....搞到其他人勁無癮.....
呢個唔開心既情緒困擾左我好耐........搞到我唔想走想繼續玩..正確黎講係我想曹振國繼續玩..我想佢贏返我地輸左個d 返黎...因都我都唔敢玩...但又唔想輸........
結果最後都係輸錢離場.................................................我以後都唔會想去金沙玩....
見到佢有隻紀念熊..我想買架...買返屋企打.....[[睇黎我真係好嬲..因為我從來都唔會對d 公仔使用暴力]]
再即刻買盒金沙掟落地下狂踩..踩到稀巴爛!!!!哈哈哈哈,當然呢d 咁嘥錢既事我係無做啦~
返到黎香港又即刻趕去旺角..因為黎齊晒人丫嘛~
撘船個陣其實好驚會有好多人放飛機..結果梗係喜出望外啦~!而且估唔到既係..真係有人買左禮物買交換禮物..
因為我自己都唔記得左.....唯有好流咁拎左個盒開左既紫菜肉鬆卷出黎頂住檔先...不過個盒野其實真係好好食架!!!所以我都食左幾多下..哈哈哈哈,我諗我食左more than 30%...[[其實係40%]]..不過華哥信我啦真係好好食架!!!
我就好開心勒,希望大家都開心啦~^^
文章定位：
