假的藍＠無愁無慮似天使天天帶著笑

2010-08-30 03:23:02| 人氣95| 回應0 | 上一篇 | 下一篇

推薦 0 收藏 0 轉貼0 訂閱站台

我係由中4/5開始鐘意藍色

當時係因為一支筆....一支雙頭墨水筆

個支筆有個名, 叫做"幸褔既藍色",係我幫佢改既..

因為我見到呢隻藍色就會有一種好幸褔既感覺...

如果要形容..佢其實係比粉藍色再淺dd ..亦可能係水筆既關係..有種透明既感覺...

好抽象....我諗最接近既應該就係天空既藍色....

我FD既時候係佐丹奴買左把遮....我叫佢做幸褔既藍色....因為個隻顏色就係水筆個種不過實一d ..

我好鐘意呢把遮架...不過..有一次,我借左比梁啟文用...佢竟然留左係仁愛堂.....

我真係好傷心.....因為佢整唔見左我既幸褔..

無左,無錯係可以買得返搵得到..

但,佢好似消失左咁...因為我去過好幾間佐丹奴..佢地都有藍色既遮,

不過,唔係個隻比我有幸褔既感覺既藍色..

自此以後,我都再無見過幸褔...既藍色..

琴日去拮針,臨出地鐵站我之到出面落大雨...

又咁0岩地鐵站有間佐丹奴...

我見到有個男人係到試緊把淺藍色既遮..

有種似曾相識既感覺...

可能我真係好耐都無見過個隻幸褔既藍色..又或者,我真係太掛住個隻幸褔既藍色..

其實,我心裡面係之到,.雖然係有幾分相似..但我認得到此藍不同彼藍...佢唔係我一直期待既藍

我諗..個隻藍係絕左種架勒..無架勒..呢隻都唔差丫,我見到佢都覺得好開心呀.

.何況宜家又落大雨我把波點遮又淆淆地..買啦買啦...

一直都好地地...直到我入左lift...我好似呃唔到自己..我忍唔住同自己講..佢根本就唔係我想要個隻幸褔既藍色..

後悔又唔多覺有...反而係好嬲自己..點解自己明之佢唔係都要買呢?淋幾滴雨都唔緊要啦..就係因為驚住以後真係唔會再有幸褔既藍色出現所以就要買?..乜可以咁既咩...

好唔開心真係想掉左佢...

入到去醫館真係有d 衝動想留佢係到唔帶佢走...

最後,我都係拎走左..

因為我之到我留低佢係到係唔0岩既...太衰勒咁做

佢唔係唔好,都好靚架...只係我覺得佢藍得黎太鮮..硬係有種形容唔到既感覺..

又唔係完全唔鐘意..亦唔係完全鐘意.只係.....心裡面成日都會話比自己聽..佢係假既...

我要檢舉

台長：彩霞仙子

人氣(95) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)

無愁無慮似天使 天天帶著笑 人人朝著那方向 心中帶著笑 浮浮沉沉天空裡 熱烈地呼叫 興奮熱情 嘻嘻哈開心到不得了 95愛的鼓勵 1訂閱站台