無愁無慮似天使 天天帶著笑 人人朝著那方向 心中帶著笑 浮浮沉沉天空裡 熱烈地呼叫 興奮熱情 嘻嘻哈開心到不得了

95愛的鼓勵 1訂閱站台

我呢幾日....去左好多地方..........
對腳...真係好攰....最後亦都係徒勞無功.

29號晚, 我由8pm 正式開工,然後30號8:19am正式收工...
足足用左12個鐘..就係因為加工個背囊同整一個公仔...

30號2pm 去左太古個邊比公司睇.聽左好多意見,
其中一項建議係叫我去搵人幫我車個新既
3點半就離開公司,首先返左屋企,整理完d 野,立即去搵,
旺角..問左好多間車帆布..唔做..背囊對佢地黎講太濕碎同麻煩勒..
問到有一間...不過佢係車皮革,仲要唔用人地料用自己料.佢介紹我去一間改衣鋪
....改衣姐姐話佢地只係車3 唔車袋...我講左好多野比佢地聽,睇得出佢地係有心無力,叫左我去觀塘某一個地方搵下..以前有一個小販係專幫人車袋.

觀塘..唔熟路..搵左好耐...行左好耐...問左好耐...講左好耐..
原來個個伯伯已經收左山,鋪都閂埋,因為個到要拆勒
醒起以前係廟街牛仔褲鋪見過一個由牛仔褲改成既袋..就撘左小巴去

佢話個個人無做.但明顯係佢唔想做..
返左去改衣姐姐到..話比佢地之車袋伯伯無做..佢地好錯諤我真係即日去搵.叫我聽日拎d 料比佢地,睇下幫唔幫到我.

之後再去chi 之堡問..最快都要3 星期..唔得啦..趕唔切
再唔過去荃灣就好晏勒因為都已經7點半

呢餐好好味,好滿意!之後返酒店休息,仲送埋禮物!哈哈我既"大話"好成功!超勁

第二朝起身再騰過..返屋企拎料去改衣姐姐到....但佢地話太硬..愛莫能助...
我唯有去深水步再搏一搏,搵一搵...無耐收到呀國電話,就去銅鑼灣搵....

傾左好耐..一場歡喜一場空..預左要成2 千蚊..但有錢都無用...人地唔想做..
而且時間太趕.1星期真係無人肯幫

當機立斷,改變主意,放棄整個全新,唯有搵個全綠色既袋改裝...
係地鐵見到有個男人用一墨綠色既袋而且仲好廷身.............
係勒!我應該買個軍袋,夠大又廷仲要係綠色..
呀國陪左我去廣華街到買..

我終於唔駛再為左呢個FYP走黎走去勒...