無愁無慮似天使 天天帶著笑 人人朝著那方向 心中帶著笑 浮浮沉沉天空裡 熱烈地呼叫 興奮熱情 嘻嘻哈開心到不得了

95愛的鼓勵 1訂閱站台

今日仲未完全病好...有少少痾同肚痛...
不過我呢個星期做左好多野呀~!好充實..又好忙...開心架!好勤力丫嘛...

洗衫..拖地..洗碗..執房..仲洗乾淨埋對毛毛拖鞋..不過佢到左宜家都仲未乾.......

琴晚仲去左打麻雀..超勁!我今次贏最多~打左4圈..有57蚊!!
今朝仲湊左明明返學..哈哈..好師奶...kaka
之後去油麻地同呀婆睇醫生..到左3點半就嗌出門口同佢去睇戲..~
原先諗住睇早場因為我地10點鐘已經係油麻地..點之戲院都未開門..
哈哈~3點半嗌出門口點之3點8 個字先至出到門口...
我之到佢都比我講到佢都好想去睇戲呀~..
因為佢好緊張嘛!!仲叫我行先去戲院買飛..哈哈
去到朗豪坊勁多人排隊..乜d 人唔駛返工既咩?咁得閒係到排隊..
都係4點鐘到je ...原本係睇3點50分既花水囍事2010..排到我地都就黎4點10分..唯有買5點半既"72家租客"啦...等睇戲個陣同左呀婆去Itailian Tomato
因為我上次買左件芝士餅返黎.佢話好好味...咪同佢上去食囉...我問左佢幾次..佢都堅持係食芝士餅..哈哈..好鬼搞笑..好啦..咁你之啦..芝士餅都好幾隻味架嘛..有好多係有生果on top ..咁我再3 問佢食原味定生果味..佢話要原味..[[原味即係指芝士脆餅..等佢易d 明.]]臨買之前我講左比佢之..係38蚊有旦糕有野飲...佢眼都突埋話乜咁貴架..但都照買既...一黎到..佢就話嘩乜咁細件既...因為我上次買個件係American cheese cake ..大件d 而且係19蚊..佢即刻話..上次個件平好多同抵喎..[[但明明上次佢就係到話19蚊一件餅咁鬼貴我先至唔捨得買黎食...]]...就食完我就話一陣帶你去旦糕櫃到睇下啦...有好多款好靚架!.跟住佢就講勒..我見到隔離枱個d 好大件架喎..[[梗係啦人地食mousse定唔之係海綿底既旦糕嘛..]]..我話係呀人地個d 唔係芝士餅不過一樣價錢..哈哈一陣你出到去見到又會"dom"心口話總之要件大件d 架啦....最後"dom"心就唔多既..小小覺得蝕左章..因為佢見到生果味個d XD..我忍唔住笑係到話我問左你幾次..係你自己係到要食原味既...
好勒好勒..睇戲..坐第4行中間..因為淨返頭4 行..好彩d 櫈都幾舒服同埋可以"i"到好後..所以條頸都唔覺攰..不過都真係好前.....d 人放大晒咁...我地2 個都睇得好開心..係咁笑..我呀婆第一個笑位已經笑左..就係笑呀欣宜...唔係笑佢比水淋個個位..係比水淋前一個位..即係佢一行開就有水出....佢仲笑得好大聲tim ^^...哈哈..我即刻諗左句..開心真係好簡單....雖然呀澤話唔好睇..但我由頭笑到落尾咁滯..都幾好睇丫..起碼係d 港式笑話啦..真係笑得出..仲好好好大聲..都幾0岩同屋企人一齊睇架~..
睇完戲..婆婆隻大脾抽筋...唉..心都痛埋..我唔係心痛佢抽筋好痛...而係我担心..佢會覺得自己咁樣好似好無用咁..慢慢行下行下就無事..
之後佢仲話去吉野家買個雞飯返屋企食tim !佢不之幾鐘意去吉野家食...我帶過佢食一次之後..佢都有時講話d 雞飯好好味架..d 汁丫嘛!...我上次同佢食吉野家sha bu sha bu..不之幾開心呀!
開心咪好囉..我都好開心~