12月9 日過程＠無愁無慮似天使天天帶著笑

2009-12-11 01:16:30| 人氣62| 回應0 | 上一篇 | 下一篇

12月9 日過程

推薦 0 收藏 0 轉貼0 訂閱站台

今日去左同經過左好多地方..下午既時候個天無端端變到好矇...好大霧,定係煙霞?

返學校上tut 交功課..點之就漏左d 功課係屋企..返屋企拎再返學校...好!交完!起行!...

由學校行去尖沙咀碼頭..其實遠就唔算遠..不過好費時...經過尖東海旁..見到d 雕塑...d 名牌痴係地下...字又細隻..想之佢既來龍去脈要打"免費"電話收聽...但分鐘照扣....真係好笑..文化喎...藝術喎...

行尖咀海旁真係舒服..雖然個景因為霧/煙霞既關係而唔靚...但唔之點解聽到d 風吹過既聲..個感覺好好..

撘船...唔之咩事好大浪咁..架船係咁搖黎搖去..泊埋左碼頭但等左好耐先至放到個跳板..

..搖到咁...令我諗返起個次鄧建倫生日吊墨魚活動...宜家都寫到我個人搖搖下...

搵左我勁耐都搵唔到架6/6X/6A/260..[[緊係啦..碼頭對出個到根本就無站]]

...見到11號渣甸山同25號去寶馬山...係到諗..不如唔好去赤柱啦..去渣甸山/寶馬山..未去過嘛....

但最後都係去赤柱...

好勒終於都上到巴士..經過金鐘...突然記起..有一日我帶埋個"愛心飯盒"係金鐘個個商場到等你...點之你係到唔食..其實宜家諗返起都覺得自己太過騎喱同唔識做..點會有人想坐係金鐘既大商場入到食埋d 自家制仲要唔係好送既飯盒...幾感動幾開心幾尷尬都留返係屋企先至食啦...比d 同學見到仲唔nor 臭咩?!

.架車駛到去淺水灣既時候...大約5點幾啦...有一群...[[真係一群呀大佬..差唔多有20人]]法藉後生仔女....上左車....嘩....頂..咩叫做嘈到拆天呀....真係丫............過左好多個站之後...坐我隔離個個法國姐姐仔落左車...我望一望..咦?有張八達通喎....全日既重點黎勒...!!!.就係咁我就同坐係我後面個2 個法國姐姐仔s 講野...係靚同索架!!一d 都唔薯...仲要係年青架!不特只..一定係有錢女黎既!.....但比完張八達通之後..我就無再同佢地講野了.../.\

6點幾...卒之都到左赤柱勒....天都黑齊勒

....我去返個個海旁..當日我地坐係到傾計..你答我你既志願個個石搏...今日我真到既係海水聲..一樣係好舒服..

之後..去左個個圓型廣場....個間餐廳一早就執左...我記得個日我叫左個沙嗲肥牛煲.......嗯..我都係時候食野...上左去taste 到買野食...不幸地食中個隻好難食既薯片....

坐多陣..就去左撘車..原來有架973..係學校附近開出.....orz.....

上左車..先至之到會經過咁多地方...香港仔個邊...隔左個運動場就見到警察訓練學院...我記得...有一晚我就係坐左係運動場入面..望住呢個學院..我寫左d 好想講你之既野....經過個個南塱山熟食中心..我又諗返起..你第一日入學堂...諗住去個到食早餐..點之未開門...171巴士站..我記得你好任性好幼稚既一面...某一個星期6 晚上..我拎左d 湯去你學校等你...個晚你好夜好夜放學...淨返最後一班75號車...你死人都唔上車..係都要話去7-11..最後一班75 都走左..仲問我有無錢係身...因為你漏低晒d 錢係巴叻唔記得拎....我好似唔之得個百零蚊...我個期真係窮到"loan"...你最後都答我原來你好憎既個個同學上左最後一班75號車.所以你唔想上[[好似係咁夜先至走都係因為呢個人..]].我頂唔順一路行落去搵車撘一路話..發晒脾氣咁..因為我個晚M到..好攰好唔舒服又凍喎..夜媽媽拎住壺湯等左勁耐..乜又無聲氣..最後都撘左171...

見到鴨脷洲...諗起個次無端端同許立源走左入面..第一次見到"曹美女"...又記得個次...我同呀國入左去想出返去.....求其上個左巴士.佢係到扮唔識路.呃免費車..呃站..我都比佢呃左..嘟左$4.x..激死..

又經過職訓局....以前返工場既日子...嘻嘻哈哈咁又過一日...第一次去數碼巷睇戲..<<斷背山>>..= =""

最後我去左好遠離煩囂既柯士甸站撘西鐵返屋企

我要檢舉

台長：彩霞仙子