無愁無慮似天使 天天帶著笑 人人朝著那方向 心中帶著笑 浮浮沉沉天空裡 熱烈地呼叫 興奮熱情 嘻嘻哈開心到不得了

95愛的鼓勵 1訂閱站台

我有一個keroppi攬枕...
係人地送比我......唔之有無5 年呢..
但我記得...係夜晚旺角車仔檔買既...十幾廿蚊..

個次去完澳洲返黎..見到佢開左個窿.....
真係心痛死我...我個心都好似開左個窿咁..
宜家諗返起..d眼淚都好自然咁流出黎...
憎鬼死個d 衰人表弟妹..
我最記得..我喊住咁話比我呀婆聽...
點之仲係到講風涼話幫住個班咁既人..
係到話咩最多咪賠返個比你囉
.....
我對佢講左好多好多句對唔住...佢都仲係招牌式"v"字咀咁對住我笑...
見到個d 補過既窿...越望就越內疚..越望就越心酸..
污糟左..又或者到咁上下時間.我都會拎去洗衣鋪到洗......
洗衣鋪d 人話...洗仲貴過你買....你隻野都一岩一忽...不如你買過新好過啦...
我明我之.但我最唔鐘意聽到呢句說話...

因為..
唔係樣樣野都可以買過...唔係樣樣都可以換過新...其中一樣就係感情

雖然宜家走左樣..又甩線..又一忽忽..但我仍然好鐘意佢.

我仲有一個pingu公仔...係我小學四年班行維園年宵既時候...爸爸買比我..我仲記得..10蚊.
其實我唔係鐘意pingu ..都唔記得呀爸點解會買..可能見平呱..
我對佢珍而重之..因為係呀爸送..呀爸唔係唔買玩具比我..而係..我呀爸不嬲都當我男仔咁養..呢隻公仔到目前為止係第一隻亦係唯一一隻...
有一晚..我好唔開心...我攬住佢喊...先至發現..原來佢係咁細小...
雖然佢係咁細粒..但個感覺真係好溫暖....個一晚..真係好彩有佢係到..
細個個陣臨訓前..一定會同佢玩"做體操"...幫佢擺pose..
宜家無lu~..因為佢對手d 鐵線..拗得多..一早斷鬼晒..同晒都成十幾年啦...佢對眼都甩色lu..個身又起晒毛粒..

唔之到等時我老左..佢地仲捱唔捱得住..仲會唔會陪我訓...

不離不棄...呢4 個字就係最好既形容詞..無論係形容我定形容佢地
我諗呢d 應該係最大的愛...
係咪對物件先至可以做到既呢?