無愁無慮似天使 天天帶著笑 人人朝著那方向 心中帶著笑 浮浮沉沉天空裡 熱烈地呼叫 興奮熱情 嘻嘻哈開心到不得了

95愛的鼓勵 1訂閱站台

次次都有大把借口..但由頭到尾理由都只係得一個..
就係驚我會阻住你...
你驚我之後唔比你走又或者令到你遲走搞到你無得睇波..

我sms 你個陣係11:04..我好清楚之到場波係02:45 先開始...
我係真係好肚餓所以先至搵你..我之你應該已經同埋你d 同事出左黎..
我諗住成晚流流長..宜家先至11點je ....你陪我食完野最多都係1點.
都仲有大把時間比你同你d 同事傾計同玩...10分鐘之後唔見你覆我..
我又係到諗..係你睇/收唔到sms..定係你有心唔覆我?
..好啦..咁我就打比你.我都之到我唔打比你..你又唔會打比我架勒
..我到左太子..我都係估你地係太子或者尖咀..
聽把聲就之你唔想過黎....仲係到問"你係咪想我過黎呀?咁我宜家過黎啦"
心照呢d 野..大家都之對方諗乜.
我唔係想你過黎我又做乜事sms 你?你係想過黎又唔會咁樣既對答..
既然你都係驚我阻住你睇波既..我做乜仲要咁唔識趣呢.......無謂講咁多.電話都費事聽
返到屋企..見到sms 問我係邊到...真係好笑..我可以去邊到呀?
打比你個陣都話左比你之我係太子...咁我仲會去邊到?
又真係幾搞鬼架喎..問得我係邊到即係覺得我唔係屋企..
夜媽媽唔係屋企..又唔會擔心..
但又唔之點解之前又同我講話唔鐘意我自己一個人夜媽媽返屋企..話會擔心喎
早之我真係跟埋我FD 既同學落bar on 99 睇波好過自己一個人係屋企餓住個肚on 99 咁撚陰公啦

出奇地琴晚..我訓得著喎..可能係對眼好乾.個人好攰...
頭先...我都諗左好耐聽唔聽好....
好啦聽啦..做人就唔好咁小氣..咪聽下有咩講..雖然都只之係講d 乜架勒..
咪又係個幾句..唔好嬲同對唔住...其實我都識得講既..
我都想同你講對唔住..我今次唔會唔嬲
次次都係求鳩其 up 2句當無事....唔嬲你係人情.嬲你係道理...
每次都唔係覺得你真心想道歉...我淨係覺得你趕住收工咁..
既然你唔係誠心誠意表示歉意..我又唔係全心全意表示原諒..
咁我點解仲要比人情你?家陣欠你架?
可能你又見我今次無寫pchome 所以覺得係好小事...咁係咪即係無人報警就唔駛返工?
你都咁大個人.我地又相處左咁耐..唔係唔之到對方係點..唔會唔之有咩應該同唔應該做

我嬲既唔係我好肚餓個陣你唔同我去食野...而係你唔出黎既原因
原因就係你一直都係認為我係阻礙你去玩..
我都唔明點解你要咁諗我..我明明就係計過晒時間..
仲要怕你會覺得難開口去拒絕我所以就send sms..
點之個結果仲係我唔打比你你都唔會去回覆我...
我根本就無做過亦都唔係咁樣....我究竟做過d 咩事令到你咁樣誤會我?..
你d 大話層出不窮..幾可亂真..難以置信...
我信你呀sir當晚係同你地講呢d 野.但我唔會信佢咁0岩就係我同你講我肚餓既時候講呢d 野

你問我做乜嘔2 次唔話你之..你有時間聽咩?你有心聽咩?
我打比你.點之你係到訓覺同我講話好攰...對唔住唔記得打比我..
我等左你個電話幾耐?..你返屋企之前都要撘車呱?撘車都無時間打比我?或者落車行緊返屋企都無時間打比我?..你次次都係話忙..唔得閒..好攰....根本你個d 全部都係藉口..都係大話..全部都係掩飾.

琴晚..我諗返起某人講過既呢番話"只有媽媽同屋企人先至係對你最好..其他既人都可能會變都係可以假."