又一個不想醒來的夢＠無愁無慮似天使天天帶著笑

2008-12-15 12:47:29| 人氣87| 回應0 | 上一篇 | 下一篇

又一個不想醒來的夢

推薦 0 收藏 0 轉貼0 訂閱站台

琴晚..我又發夢勒....可能發春夢會比發呢個夢開心.....
春夢簡單好多..開心完又唔駛負責任
但....每次發完呢種有佢出現既夢都會好失落...我真係唔想醒....我..越黎越貪心...

今次個內容..已經有少少濛糊...真係忘了是怎麼開始..由我記得既部份開始..我同佢已經出現左係我黃大仙既屋企..屋企仲有其他人..有呀媽呀2家姐....佢係到用緊電腦.好似係做緊d 文書工作....我呀媽好似睇住佢用咁.同佢坐到鬼死咁埋...2家姐呢?我唔之佢喎...咁我呢...我好似係同緊我呀媽講野.........即係都好接近佢.....我之到用緊電腦個個係佢...我唔敢望唔敢同佢講野..不過我都周不時瞄一瞄佢..但每次都瞄唔中..可能佢都之到我瞄佢..所以佢又瞄返我..佢一瞄我..我就擰轉面..我唔想比佢之到係我..唔想比佢之我望緊佢.....呀媽起身勒唔再坐佢隔離...我都好似走勒...我望住佢既背影...望住佢個學警頭.....頭髮又短..個頭又圓碌碌咁..好得意...望到入晒神...
無幾耐...我同佢係廳個到碰面...[[其實我個屋企好細..電腦同個廳可能只係差一個轉身同幾步仔既距離....]]佢同我講野勒...........
佢：HI.你點呀?
我：我幾好呀...
佢：你同你男朋友散左呀?[[定唔之係問...你仲係咪同佢一齊?]]
我個腦都轉唔切...都唔之佢乜up ...就係呢個時候佢就攬住左我....係到同我講d咩"唔好唔開心啦.."..我都唔之發生咩事...我想提起隻手攬返佢.....但我猶豫..我無做到..個情境就好似當日佢passing out我同佢係尖咀機鋪對出既西鐵站咁....一模一樣...只係我今次將個頭伏左係佢心口到...好舒服.....42吋....真係好舒服...笑左出黎..仲有少少想喊...
我：做咩咁講?
可能...佢見我d 反應唔似失戀...佢都好出奇咁.....下意識地..我地2 個人自自然然咁分開左...
佢：我睇你PChome 寫既.....
我心諗..我幾時寫過?但我之佢一定唔係睇錯左人地個pchome ...
係我答佢既同時..佢就問我口唔口渴...想唔想飲野....其實我唔想答佢口渴..因為我驚佢落左樓買野飲之後唔會再返上黎...但我之到佢係唔想維持宜家呢個局面先至咁問..亦都有可能係佢真係口渴....我點下頭..佢就落左樓lu.....
我就坐係騎樓望住個窗口..好似細個個陣伏住呀媽買完送未.望實個窗口睇下佢返黎未....
過左一陣..我真係見到佢拎住個紅白色既膠袋...可能係惠康.可能係OK..太遠勒睇唔清楚..11 樓喎..但唔之點解佢個樣就好清楚好似比個放大鏡咁放大左...係我想打比佢既時候..我電話晌...係佢打黎...
佢：我返緊黎勒
我：我睇下啦哈哈...
靜...............
我：係呢...你仲係咪同佢一齊呀?
佢：..哈...哈..唔係勒...
我：係咩.?
佢：係呀..第二個lu...佢係日本人黎架...[[唔之係咪因為睇完獎門人既關係....中村乃.哈哈~]]
我：下?架妹?正喎!..老爺個個女朋友都好似係架妹....
佢：哈哈係咩?..喂唔講勒就到...

收左線...我係到諗..我憑咩同個架妹鬥....真係鬥唔贏..點鬥呀大佬..無敵咁滯喎...架妹喎!只能說我輸了....佢返到勒..我都醒勒....點解咁快要醒....

其實架唔架妹都好..唔緊要..比我同佢講下野..比我見下佢就得架勒....發夢je ..唔駛咁既....
開心過就算啦...開心就得勒....