澳門兩日一夜_1＠無愁無慮似天使天天帶著笑

2008-03-30 23:00:44| 人氣59| 回應0 | 上一篇 | 下一篇

澳門兩日一夜_1

推薦 0 收藏 0 轉貼0 訂閱站台

29..30號我同呀國仲有佢既屋企人一齊去左澳門玩
玩左兩日一夜..呀國請我去~哈哈..真係幸福!!好似一家人咁..哈哈!!

我地都好似係1 點半左右上船..落左船我地就即刻去酒店..
我地今次係去利澳酒店...即係呀叻賣廣告個間..
原來係4 星架喎..都幾好住..好舒服..張床又大.哈哈~
放低d 行之後我地就行去永利...

各有各玩..我玩輪盤機...其實我都好鐘意賭錢..哈哈
輪盤機..我都好鐘意玩..以前都唔識玩架...好似係上年再上年呀德生日...去左元朗食大舊壽司..然後去打機..我先至係第一次玩輪盤機..自此之後..一見到輪盤機我都會玩..好好彩...贏左890蚊..扣除成本即係贏左800幾700..對我黎講都好多下架勒!

係永利等埋呀國爸爸我地就走勒..
第二站係大三巴...影左少少相...風景好好..d 建築物真係好靚..好懷舊咁..係個個廣場個到..覺得自己好似去左迪士尼個個美國小鎮大街..哈哈~!行完大三巴就去買手信.買手信...買買買..買左我300蚊..但係唔覺得肉赤.因為贏左錢嘛...講真..如果唔係贏左錢我都唔會買咁多手信..我咁孤寒..係咪先?
買完手信就返酒店.放低d 手信先..再返返去新馬路個邊食晚飯..go !食魚翅呀!!哈哈哈哈...勁大煲既雞燉翅...超正!!真係好好食.又好飲.!..魚翅又係我既favorite....我地總共有5 個人去...個煲魚翅8至12 位用..真係食魚翅都食飽左.....我地叫左個魚翅..一個八寶豆腐煲..一碟通菜.一個唔之咩骨..埋單都係898..
食飽飽..就散步過去新葡京...新葡京..成座野話佢似把劍又得..話佢似就開既蓮花又得...不過上闊中窄下濶就真既...好難贏錢..我幾難先至保得住我個40蚊呀...真係丫..不過無輸就係贏架勒..行完新葡京就撘的士返酒店~!分手信..梳洗..攣下床..訓下覺..

我要檢舉

台長：彩霞仙子