無愁無慮似天使 天天帶著笑 人人朝著那方向 心中帶著笑 浮浮沉沉天空裡 熱烈地呼叫 興奮熱情 嘻嘻哈開心到不得了

95愛的鼓勵 1訂閱站台

放左學..發覺時間太多勒...所以要hea 左佢..
撘小巴去到葵芳..再行返屋企!!yeah yeah !
tony 大哥暗串我一野...哈哈無所謂啦..咁我又真係抵比人串嘛..
當比人暗串既時候..最好既反應..就係將個句說話認真咁看待..

起步!go !

上次同肥陞行左上山..今次想試下唔行上山..跟住條馬路行...
差唔多到小丑神殿[[個時大慨1100]]發現左個個禁止行人既路牌...死咯...唯有行返轉頭
一定要上返荔景個座山...
係mtr 個到買左支綠茶..........

跟住就再行勒....
去到清麗定唔之係麗清商場就轉左入去勒...
比我發現左個地方..荔枝角公園...係荔枝角公園玩左半個鐘至45mins 鞦韆..
係喪玩..仲要大大聲咁唱歌!!!
唔玩都無乜野...一玩就黎料勒..
一路玩對腳一路覺得攰喎竟然..
認真!之前一路都唔覺攰不特只..仲要係無知覺架...係無感覺咁架..無血無肉既感覺..個人都唔似行路既...係飄緊先至0岩...
仲要玩到唔捨得走喎...因為我真係好鐘意玩鞦韆架
咁都要行架啦..經過宇晴軒..打比爸爸先..噢...原來爸爸放完飯..唔緊要啦我下次早D 去囉~

好似係東京街西...我見到大空地既邊位有個伯伯係到搞緊個小木屋...大慨係屋企廁所咁大左右啦..其實我都唔之到個間小木屋係咪佢既..
經過左..又忍唔住行返過去...嗌左佢一聲伯伯..個個伯伯好整齊.斯斯文文咁啦..不過佢食烟既..算係健康既..佢比我既感覺好和善..閒談左2 句..我問左佢一句有無d 咩可以幫到你架?[[其實我有好多野想問架..但係我唔之點樣開口.我驚我誤會左..我又驚我令到佢難堪..]]佢笑笑口咁話無呀..我望一望我手上支綠茶..我話要唔要飲d 呀?..佢話唔駛客氣勒..我話um..我飲唔晒呀..比你丫好無呀?..佢諗左一諗話好丫多謝你.你係下面比我得勒..[[因為佢係一個好大既鐵欄圍住左架..]]之後我話..我走勒..天口熱呀..小心d 勒..88..

其實我等過馬路個陣留意到呢個伯伯架..我有3個諗法..佢撘緊屋?..佢d 仔女呢?..我真係好想比晒身上既錢佢...[[但係我覺得我咁做一定會令到佢好難堪...即使我無惡意都好..]]可能有人會覺得我好人..有人會覺得我懶好人..有人會覺得我多餘..有人會覺得我其他其他野咁..我更加相信有人會話我甚至串我話我都好窮呀唔見你比錢我?..我只係覺得能夠相遇既都係一種緣份[[亦都可能係因為我都好掛住我公公..]]可憐?同情?唔會...點解要可憐人?點解要同情人?..手望相助je ..唔好講到咁偉大...唔之咩原因都好啦..總之我想為佢地做d 野..但我之我既能力有限..有時見到街邊有d 人乞錢..我唔係次次都會比..真係好撞彩架咋..同埋最重要既..我驚個d 係集團式經營..所以我會揀黎比...有時會覺得今日我比左呢幾蚊佢地..他日我會係唔之邊到攞返既..有時又覺得.我做到就做啦..

之後就返到屋企lu~