地下鐵碰著他＠無愁無慮似天使天天帶著笑

2007-08-10 23:13:02| 人氣71| 回應0 | 上一篇 | 下一篇

地下鐵碰著他

推薦 0 收藏 0 轉貼0 訂閱站台

琴日12點半左右去撘地鐵..
一落到月台..就有車..幾好~[[因為我約左人遲到勒]]

行緊入車卡個陣..我比一把遮同一個背影吸引左..
其實只係一把好普通既遮..只係一把eye 信用卡送既個把遮..但係我一直想要既個d 款...不過又驚拎既時候麻煩所以放棄左..
佢著灰色條子西裝..著得好好睇..唔肥又唔瘦..個感覺好smart
唔係好高..我諗最多都係高我半個頭...個樣..好成熟..我估佢2尾3頭掛..
[[不過我係估計人地年齡呢方面...準確度可能只有50%....]]

其實佢唔係靚仔..普通樣..皮膚仲麻麻..塊面好多印個種..
可能係因為佢著西裝著得好睇...所以佢好吸引我..

入左車之後有個小小尷尬位...地鐵d 櫈既分怖咪係咁既
[ ][ ][x]│[ ][ ][ ]

[x]代表吉位...我一直都無住坐既因為我尖咀就落..比人地坐好過..但係佢又好似以為我想坐而唔敢坐..我見佢咁樣好似想比我坐..我咪又諗住坐囉...同時佢又之到左我唔係諗住坐所以佢又諗住坐..結果我地2 個都無坐到...
其實我地2 個都未有行動架..但係大家好似估到大家想做乜咁..最後互望左一下..我又feel 到大家好想笑但係又忍住唔笑..

唔之到係咪佢發現左我望佢..所以佢都有望返我...
其實我地都有好幾次既眼神接觸..好搞笑地..大家都有試過回避或者照望..
即係都類似個d 眉來眼去咁呀..之後落車..原來佢都係尖咀落車..佢就出車門先我好多既..事關佢一聽到下一站係尖沙咀已經走左去門口等開門..見佢出門口個陣好似拖慢左個腳步..事關佢應該都係e 出口個邊出既..而一開車門就對正e 出口個邊既扶手電梯...

好搞笑..呢d 咁既感覺..好過癮..
我仲白痴到諗住今日差唔多鐘數又係太子個月台伏佢..哈哈
不過我最後懶得出門口放棄左..
死囉...姣婆遇著脂粉客...
不過係都還好d ..至怕係自作多情咋..

小朋友係唔應該咁多幻想!
車~話晒人地第一次係地鐵有d 咁既事之嘛..幻想下都唔得咩

我要檢舉

台長：彩霞仙子