無愁無慮似天使 天天帶著笑 人人朝著那方向 心中帶著笑 浮浮沉沉天空裡 熱烈地呼叫 興奮熱情 嘻嘻哈開心到不得了

95愛的鼓勵 1訂閱站台

真係開心..~仲以為今日又係玩zoo keeper 過日晨...收到細佬既電話..
”睇戲?<<五星級大鼠>>?好呀..食完飯打比你..”
1個鐘後電話響
”嗯..0岩0岩食完飯..入屯門睇?沒問題呀出門口打比你丫”
再1個鐘後電話再響
”嗯..換緊衫囉...哈哈哈哈 sorry 呀要你地等咁耐撘車打比你丫”
如事者..過左半個鐘左右..
終於輪到我打電話勒..
”喂..我0岩0岩上左車呀..60X囉..無呀見到呢架咪上囉”


4點左右到達..去中銀排隊拎錢..20 mins 左右細佬同佢既朋友黎到..

拎完錢..起行!!
細佬話唔之到宜家有無場呢?
我問無咁點呀?
細佬話5點幾有場..過左就要7點幾
我”哦”左一聲..
細佬朋友話哦~宜家先5點je ..

我不禁爆笑..我相信佢唔係想串我..但係我覺得好搞笑..好應棍呀呢句說話kaka..
好~買左飛未夠鐘坐陣先...臨入去之前我話要買野飲..然後入左去惠康...諗左好耐..突然驚覺..”咦?係喎我唔記得左我地買左飛睇戲添..仲等我係到慢慢揀慢慢諗添..死囉”

去到戲院..帶位大叔問係咪睇老鼠呀?..我..又爆笑左~.~
估唔到成場戲第一個笑位竟然係呢個帶位大叔..
佢真係好搞笑~^^

睇完~好睇~
緦佬朋友返歸..我同細佬去左市中心..去完個廁所擾攘一輪..決定去元朗食大舊壽司~我請!幾豪氣~我好少請人架kaka..因為我都幾孤寒架..又好怕借錢比人..最唔想係同親烕朋友有錢銀瓜葛..講錢實傷感情..
不過我今次請得好開心喎..食左185蚊..飽到上心口..好滿足~而且唔覺得肉赤喎唔之點解..照計我點都會有d d 既.....因為185蚊我已經可以做到好多野lu~..可能係因為同”屋企人”食飯啦~..哈哈可能係了左d 心願..可能係心情好

今日真係kai 得好開心哈哈...雖然同細佬講親d 野都係無聊野多...有時都真係無聊到唔識回應同唔想回應....

當我同佢講既時候..我之佢真係有聽..因為佢從來都無比過任何意見我...亦都無阻止過我做任何野..更加無鼓勵我做d 乜野..每次佢都係話我..嘩做咩事呀你..你真係癲架喎..你原來都幾痴纏喎..
呢d 都係我今日先至留意到..哈哈..好記得係某個網到睇過一篇野內容係講男女朋友相處個d 野..其中一part 我好認同.大約係咁既.
「女朋友同你訴苦既時候..就算你當時遊雲都好..只要誠懇d 比返少少戲咁回應幾句例如..係呀..哦...之後點呀?..就已經可以了...唔需要同佢討論分析件事...因為女人訴苦既時候..絕大部份都唔係尋求意見..佢地只係想有個人講下佢地講野」


一次過去左經過左我係屯門元朗入面最熟悉既地方..
仍然不是味兒..
每次去到/經過呢d 地方..我都唔會好似平時咁耷低頭行/做其他野..因為我想睇清楚每一個人既樣...但都係睇唔到..

不過我睇得開左好多勒..