上次13/4打左一次點知佢在upload果時死鬼左....攪到我而家又要重新打過, 唉....邊記得上次打過d 乜先得的....
冇記錯係27/3我表哥家榮同佢個女朋友在沙田度註冊做左個老親啦. 話說今期表哥叫我做兄弟的, 要我早少少到, 仲要著西裝, 如耐都冇著過的我就出左阿婆度搵返對boot著啦. 之後撘地鐵發現自己唔記得左帶bell, 就去到沙田買啦, 行左間睇到條, 要成百幾蚊, 睇睇我自己都唔係好夠錢, 所以去左第二間睇啦, 之後用五十蚊買到條皮帶, 但就唔識去婚姻註冊處果個位, 打比阿媽話家姐都在附近, 所以就搵左家姐仔先, 一齊去啦. 見到姐仔之後原來行前多少少就係啦, 但都已經二點三四啦. 好快到左表哥佢, 估唔到個程序噤快, 都唔使十分鐘就完左, 大家在入面影左幾張相, 之後就要返出去啦. 表哥佢地就在果個沙田的公園這邊影張, 果邊影張, 影到有點凍, 所以就返左去閃人, 閃果時註冊處果邊都要收工. 原來已經四點幾啦, 我地就坐小巴去左表哥屋企先, 等左一輪, 我, 威廉同家榮就決定去打波, 表嫂就同班兄弟姊去唱K 食飯. 落樓第一件事就係食飽先, 我地在附近M 記食完野去到球場就開始落雨, 正想散水之際最後都係決定繼續打. 打到十點到個人有點累, 所以就返左上去表哥屋企, 睇左陣電視就同威廉一齊閃. 點知我出長沙灣尾班車先開左啦, 陪威廉等完車我就上左小巴, 之後又係金仔龍威, 但冇記錯果晚好似冇比錢打@@?
4/4我同阿媽阿爸去左拜阿爺阿麻, 同往幾年一樣, 都係差唔多. 後來阿媽去左睇舅母, 我就閃左落龍威打左陣機, 之後上阿婆度關返露台下面隻窗, 收拾返阿媽子佢地點手尾, 之後又返左去二叔度, 一齊去食飯, 食完坐左在度吹水, 後來我都係走先, 放返底阿媽條鎖匙比老逗我就去左玩啦, 之後又係冇乜記得.
9/4我地去左拜大舅父, 唔經唔覺大舅父都去左幾年啦, 當日舅父都死得特然, 之後聽到阿婆佢地對舅父的態度, 真係....講開我這幾年都冇去過拜舅父, 今年都係第一次, 去之前買左點燒肉, 糕點, 去到幫下手, 攪左陣, 走果時決定行落山, 行左陣去左食野, 食完野阿媽同老逗去左表姨媽度, 我就又係閃左出去打機.
10/4本來約左同老妖盧威去行下山的, 但係我果朝由金仔返入黎好累, 訓左陣都係頂唔順所以就決定唔去啦, 但之後果日就阿妖唔得閒, 再之後星期一呢就盧威唔得, 所以就因為我放佢地飛機cancal左啦.
11/4我打神話繼續衝89, 但就比獸亂到八個鐘先練得5%, 激都激死.
13/4......upload唔到...
無記錯打到十八號朝頭早我隻Ａ167終於上到89啦=.=”, 好好好開心ccc, 打左噤死耐終於出到隻人畢業啦~.~v之後就殺返陣, 都冇乜特別啦.
19/4今日第一日返返工, 因為要返0645, 所以要神噤早起身, 呢個池都對時間幾嚴, 遲一分鐘都要罰成百二蚊, 噤就唔見左一半有多啦....今日第一日返, 約左在旺角地鐵站a出口等, 點知她就在地鐵站下面等我, 我就在地面等, 大家都在度呆....去到泳池做野啦, 講真個池都幾爽, 半個鐘一更, 三個人輪, 係最衰得八個鐘, 冇乜錢....今日早更prat住一男一女, 個女的叫吳依霖, 聽夜更果幾個講好似話同我同年的, repeat過, 今年考會考, 佢噤真係考得....好極有限....男的好似叫阿容. 仲有個長工, 叫阿國. 返第一日都算係噤啦. 聽日又話叫我返晚更, 1415~2215, 今晚可以玩返夜少少啦=,=v
文章定位：
