呢個星期都好唔想起身，好唔想返工呀！
雖然做Cheaker係真係要做野，(又會有忙既時候)
理應時間係過得快ｄ，
但我又有點懷念坐counter時咁free既日子。
唔通真係坐慣左，連行都唔想行？
最近．．．
好耐無下午茶／cake 食，
好耐無同細c 寫信，
好耐無得玩ｎｄｓ等放工了，
（因為細ｃ話好重，唔帶了）
工作真的很無聊呀！
我地都好耐無入戲院睇戲了！
變左係屋企睇vcd同埋玩煮飯仔。
不過都要你唔係返夜先得。
我不用去你家，
你也很少回家，
我的家也變成了你的家，
開始了我們的1/2同居生活！
是好事？壞事？幸福的事？不幸的事？
已經習慣了你在我身邊，不會膩！
有人煮返比我食，好幸福！
咖啡返左黎，好吵，好煩，好得意，
好聽話，好聰明，好窩心！
呀媽話要朝早６點起身煮飯比我帶返去食，
結果我變左無飯食，因為佢次次都起唔到身！
趁此實行我既keep fit 計劃，
午餐晚餐，有你無我。
lunch 淨係帶生果同 yoga返去食，
結果食多左好多零食，而且生果糖份又高，
計劃開始左２日半就失敗左！
日日都坐，星期二ｄ堂又完哂，
一個星期先跳得果一日，運動量勁少。
時間多左，休息少左，
街去少左，錢用多左，
屋企hei 多左，琴練少左．．．
第一個月出左糧，去行屯門市廣場，
抑壓已久的購物慾得終於得以宣洩，
不過最重要係買左ｄ野好中２又唔會後悔，
果種喜悅真係仲大過上次用果一千元coupon買野！
係Espirit買左件好靚既pink PUMA T-shirt 、
2件白色彩字T-shirt (一件比你的)
終於都揀到樣情侶裝啦啦！
不過我唔要同你一齊著ga >.<
最難忘既就係係I.T. buy既果對紫色有圖案既布鞋，
真係好靚靚呀～
雖然$260對我黎講都真係幾貴，不過ｄ料靚咁多，都值得既！
不過後來我係第二間bontinque 試衫果陣，竟然留左對鞋係更衣室！
好在，第二日搵得返ja～感謝你呀！
最後仲係吉之島間超市用左＄200 coupon 瘋狂掃野食，勁開心呀～
唉！計埋八達通車費，下個月既咭數一定好金～
基本上我今個月得返500元cash用！
全部買野都用咭比。
小組時間改左星期六夜晚，
星期日完左祟拜後可以有多ｄ時候用，
又可以去上堂。
分開左先知道原來我係咁唔捨得你，
只係短短十多分鐘，
我地又返返轉頭一齊食lunch，
犇犇麵＋小籠包，好好味，好飽，又有電視睇！
之後就去左九龍城上呀ken既drama堂，
好遠，知點解心情好down，上到去ｄ人又唔同哂，
個game唔好玩，投入唔到，總之好失望，
唔想再做外賣仔，casting 都未完我就走左，繼續好down！
好在我最後都無改變初衷，過黎TST搵你，
係巴士上，忍唔住滴下眼淚，
我第一次有想放棄drama既感覺，
我好像已經離開劇場這個地方了！
唔想再執著下去了，因為再下去也是狂然的！
我開始接受成人的世界都有一個失落了的夢想！
見到你，我已經開心返一半！
因為同你一齊既相處係最自然，最舒服既，
就算只係坐下海旁，玩下影相，都好開心。
更開心既，就係去食巴西燒烤，
我又係第一次去呢度食dinner，
宵夜時段只係$58 位buffer，真係好抵！
又有好多甜品選擇，
雖然ｄ燒烤唔係樣樣都好食，
ｄcake 亦都一般，
不過都已經食得好飽、好滿足，
我地由９點半食到１１點．．．
最難忘既係果個好似芝麻醬撈既蟹子意粉！超好味呀！
下次要飲埋紅酒！（$35任飲）
突然想到，上帝其實也很公平的，
多少人就算完成了他畢生的追求，
(事業or理想or名利or環遊世界)
最後都得不得一段美滿的婚姻，
以前的我，覺得這是不重要的，
只有夢想才是我最大的滿足感！
但愈聽得多身邊人的感情故事，
就愈覺得自己真的很幸運！
人往往很多時候都唔知道真自己真正想要的是什麼，
到失去了才懂得珍惜～
所以，假如人生一生所追求的是
完成自己的理想和建立一個幸福的家庭，
能夠實現其中一樣，就已經很幸運了吧！
上帝知我心急，所以一早就為我預備了吧！
文章定位：
人氣(36) | 回應(1)| 推薦 (
0)| 收藏 (
0)|
轉寄
全站分類:
不分類
