24h購物| | PChome| 登入
2004-06-26 00:22:47| 人氣66| 回應0 | 上一篇 | 下一篇

課外活動大匯演...唉～差！

推薦 0 收藏 0 轉貼0 訂閱站台

　　琴日無端端，唔係既，其實都唔係冇端端，可以話係意外地俾人叫左返去幫手，做完朝早做下午，朝早企到我顛，下午悶到我訓，唉～呢個之咪係所以入場率唔高既原因，小學既入座率大概係70%，而中學只係50%（誤差為正負三），小學入座率較高我諗係因為有家長係度睇，表現者好多都係靚妹仔，ｄ家人總會有興趣睇下自己個女或個孫表演成點，所以朝早都做得比較辛苦，加上好多幼稚園係度走泥走去，真係叫到我口水都乾呀；而中學既捧場者通常都係本校學生或表演者既朋友（包括男朋友），都似可以話絕對少人，所以有一部份既表演者都可以入禮堂坐，依家就等我講下當日既內容啦～
　　其實小學既表現都係咁，有幼稚園既學生係度跳來跳去，不過我覺得最無聊就係個小提琴表現，來來去去都係果段音樂，真係悶到得人驚呀！唔同既等係佢地ｄ動作換左，真係有點兒那個呀...而中學都好睇ｄ咁既，起碼我會最欣賞歌詠團既表演，我覺得佢地真係唱得唔錯架，而佢地今年仲將會成為校隊，好勁呀！而我地高二係果日都有出SHOW，就係跳熱舞囉～我覺得還可以啦，比起平時跳wind-s就多左人...不過我都係比較欣賞聖誕節時候三個人跳既wind-s，係好睇少少既～至於話劇部份，等我講左中文話劇先啦，劇情還可以啦，但係總係覺得ｄ人既表情未夠好，睇既人未必feel到佢地既心情，有時配音唔o岩個口形；而英文話劇俾我既感覺就好似係週訓堂既初中英文活動，嗯，兩者都有待改進啦～
　　不再講起課外活動，自我升上高中後都冇玩過啦，要交學費o麻，如果可以的話我真係想再學趣味電子，我記得當年初三跟李Sir 學係砌左一部小小既收音機架，真係聽到架，不知幾大滿足感！不過其實到高中後又會有邊個有空閑玩呢ｄ野呢～唉～真係忙呀！（25/06/04）

我要檢舉
台長： 看星的人

您可能對以下文章有興趣

人氣(66) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文