七月三十日﹐星期三﹐我一大早就被鬧鐘嘈醒﹐因為之前答應o左爹地幫佢去買木。但因為臨訓o既時候見到SM(一個o岩o岩返o左香港o既朋友)﹐一傾就傾o左成個鐘﹐如果唔係一個承諾﹐我諗我地仲可以傾多幾個鐘頭o既波經。不過我十點醒o左之後﹐未見到我爹D﹐跟住又抱頭大睡。十一點就見到爹D啦﹐陪佢去買木﹐買完之後。大概一點左右﹐我返o左學校報下個sem o既科。搞o左成粒鐘﹐結果都係要下個禮拜一再去過。跟住就返九記﹐同約好o既同事會合﹐因為我地約好返工之前去行街﹐行完再返工。當日亦都係溫哥華一年一度o既其中一物大事﹐就係放煙花。當日o既前段並唔忙﹐不過到後段﹐又唔只普通o既忙。真係唔明點解D人睇完煙花都係揀去九記食o野﹐唔通。。。無其他選擇﹖當我放工之後﹐我其中一位好兄弟似乎同其他人一樣﹐無其他選擇咁去到九記食o野。佢到達o既時候o岩o岩係我放工o既時候﹐因為佢同一大班朋友一齊﹐所以我都無同佢一齊坐。不過因為我都要食埋o野同數完tips先走﹐所以我地幾乎係同一時間離開。不過佢班friend似乎對九記依依不捨咁﹐佢地響九記門口傾o左大概半個鐘。佢地除o左閒聊之外﹐仲一路相討仲有無節目。之後其中一人挑戰另一人賽跑﹐佢話鬥快跑到去stop sign o個度﹐當然兩人都無跑到啦。不過另外就有人話﹐賽跑不如打籃球啦。講講o下﹐大家就波癮起﹐真係決定去打籃球。(當時o既時間大概係零辰兩點)結果我地就決定去BCITo既室外球場打籃球。好彩o既係我返工o既時候係著住一件球衣﹐所以我唔須要返屋企換衫。我地三點左右響BCIT度習合﹐出奇o既係無人放飛機﹐而且仲有十個人﹐o岩o岩夠分兩隊。我地一打就打到零辰六點幾﹐由天黑黑打到太陽出來了。不過未嘗唔係一個好體驗﹐因為我發現o左原來o係黑暗o既環境﹐係會失去距離感。我諗就好似流川被人打傷隻眼o既情況一樣。失去距離感﹐交波同接波都要特別小心﹐因為大打少少o既傳球都好難接。而射波o既準繩度都大大降低﹐air ball亦都經常出現。我地總共打o左五場﹐我o個隊以二勝三敗輸o左。十一分一場波﹐打o左五場﹐以大家平時o既實力﹐大概唔須要打咁耐。不過因為兩隊人都失準﹐所以打o左三個幾鐘都係可以理解o既。不過如果你問我下次會唔會再咁早打波﹐我會答“有人陪我打o既話。。。我一定奉陪。”無他o既﹐我諗假如你做自己鐘意做o既事﹐你都唔係大介意咩野時候做。當然﹐你鐘意睇星o既話﹐無可能叫你日光日白去睇﹐除非你想等到天黑啦。假如你都想約我零辰時分打波﹐你都知道我唔會請你食檸檬o架啦﹗有興趣就搵我啦﹐哈哈哈
文章定位：
