七月二日﹐我細佬o既生日﹐我一早就同佢D朋友plan好o係o個日要去邊同做乜。好奇怪地﹐我o係o個日竟然九點半就醒o左﹐對於一個放緊假o既人o黎講﹐九點半絕對係早。可能係心理時鐘叫醒我﹐提我double check一次當日o既行程。最大o既問題都只係驚我細佬佳人有約﹐因為我係無講過佢知我地會同佢慶祝﹐諗住俾個驚喜佢。點知佢o既朋友竟然一早就放消息俾佢知。。。不過唔緊要啦。當日都好開心﹐最緊要係我地o既plan無乜變動﹐一切都如計劃進行。就算係天公亦幫我地﹐當日天晴﹐但係又唔熱﹐仲有D風﹐認真舒服。除o左晚餐o既時候訂多o左兩個位之外﹐由我起身到切蛋糕都係o係我地意料之內進行。
七月三日(亦即係我地食完我細佬個生日蛋糕之後)﹐我就即刻出o左去“督”波。點解咁夜都出去﹗﹖因為七月三日係我一位好朋友o既生日﹐我地狂歡到三點幾先返屋企。第二朝起身﹐我地又再出去唱K﹐可惜當日我要返工﹐所以要早走。雖然係要早走﹐但係我都唱到爽。當日最印象深刻o既並唔係唱我自己o既主打歌﹐而係當我朋友點o左首取消資格同我合唱﹐點解印象深刻﹗﹖未只得我地兩個知囉。哈哈哈哈哈哈哈~~~~~佢地唱完之後﹐竟然去九記探我班。最難得同最令我感動o既係壽昇仔唔介意生日都去九記。不過當日真係唔係普通o既忙﹐所以我都無乜時間陪佢地﹐加上老細又返o左o黎﹐所以。。。唉~~~
七月四日都算係最得閒o既一日﹐朝早十點就俾body shop o既人嘈醒o左﹐佢地話我部車出現o左少少問題﹐叫我得閒去睇睇。咁我橫掂都俾人嘈醒o左﹐未落去睇睇囉(至於唔知我架車發生咩o野事o既朋友﹐記得日日check住本台﹐因為我遲D會o係炒車實錄度交代。)去完body shop﹐我就搵埋一個好朋友t落REV去探一位都幾耐無見o既朋友。落到去﹐我地就玩o左個轉碟遊戲﹐首先我地各自羅一個電話﹐佢地兩個去天台轉碟﹐我就o係樓下睇住部電視﹐一路同佢地講0...0...12...0..12..0..12..0..0...43..53..73..80..0...73..80一個幾好玩o既遊戲﹐我地總共用o左一個種去轉兩隻碟。講o左咁耐。。。其實我地係搞衛星天線﹐要轉到去o岩o既方向收信號。其實我玩轉碟遊戲o既時候都好唔專心﹐因為我一路同Oscar(史最可愛o既狗)玩。玩完轉碟﹐我地兩個就離開REV﹐我最唔捨得o既都係Oscar. 下次再去﹐我會同佢影相俾大家睇。離開REV之後﹐我地去o左踢波﹐雖然得我地兩個﹐不過一個射﹐一個接﹐真係o岩o岩好。踢到差唔多就落去chinatown接佢女朋友放工﹐接完就返屋企羅衫﹐同接埋另外一個朋友同我細佬。跟住一齊去游水﹐游完之後﹐我地就去o左食韓國o野。食完之後我地留o係o個度傾o左一個鐘左右。傾o既並非一般o既無聊o野﹐而係關乎到全地球每一個人。我地傾完呢個咁serious o既topic之後﹐大家都好累﹐就返歸咯。
七月五日(今日)﹐仲更加無聊﹐由起身到而家都係搞緊呢個update。不過等陣會出去打機﹐同埋游乾水。
p.s. 七月四日﹐當我開車o既時候﹐我見到兩個樣貌都唔錯o既女仔。第一個係開白色celica﹐染金髮﹐衣著時髦﹐個妝都幾掂。第二個﹐坐o左係佢男朋友架藍色Jetta度﹐黑髮﹐眼大大都幾cutie o架。不過。。。重點係。。。第一個竟然邊開車邊撩鼻屎。第二個竟然張隻腳放上wind shield度﹐即係話假如部藍色Jetta係部右軑車﹐我相信個女仔係絕對可以用佢對腳o黎"ja"軑盤。真係醜態盡露﹐所以話人不可以貌相。
文章定位：
