有本難唸的經。
記得，以前細個既時候，每逢唔開心，我就會係心入面係咁唸經。
求邊個？求耶穌、求天主囉……
我冇宗教信仰，但因為有啲心事唔知道同邊個講，亦唔知邊個可以幫到我，
所以我選擇同佢地講，希望佢地可以令我安心啲。
呢個習慣係細個就開始，可能因為日日番學都唸經，所以我細細個就知道祈禱係一個人面對困難既時候，可以做既其中一件事。
好神奇，每次唸完經，祈完禱，令人難過既事好似都會迎刃而解。
久而久之，我每次遇到某方面既難題，我都會用呢種方式令自己好過一啲，同自己講「好快就冇事架喇」。
其實，自己好清楚呢個只係心理作用，但即使明知係咁，我都會繼續用呢種方式同自己精神喊話。
即使廿七歲，我仍然會咁做，只係頻率低好多。
臨急抱佛腳，平時唔虔誠，有難先祈禱。
邊有咁著數既事。
但係有啲事我真係唔知可以同邊個講，咪同自己心入面既「神」講囉。
佢未必幫到你，但一定會聽你講。
講左，舒服啲；願望成真，賺左。
但係有時會係到諗……
幾時先可以叻啲，自己就可以解決到？
＝
我既眼淚好唔值錢，但係好耐冇咁樣喊法。
一滴一滴，一行一行。
可以係其他人面前喊係一件幸福既事，至少有人承載你既眼淚。
咁你呢？
只係眼紅但冇流眼淚，點解呢？
文章定位：
